گؤیلر، تورک قارتاللارینین قانادلاری آلتیندا
تورکیه هاوا گوجلرینه عاید ساواش اوچاقلاری، آذربایجان هاوا گوجلری ایله اورتاق مانورا قاتیلماق اوزره باکییا گئتدی
تورکیه ف-۱٦لار اورتاق مانور اوچون آذربایجاندا.
تورکیه هاوا گوجلرینه عاید ساواش اوچاقلاری، آذربایجان هاوا گوجلری ایله اورتاق مانورا قاتیلماق اوزره باکییا گئتدی.
۳۰ دولاییندا تورکیه ساواش اوچاغی و هلیکوپتری آذربایجانا گئتدی.
آذربایجان ساوونما باخانلیغیندان وئریلن آچیقلامادا، پرزیدنت ایلهام علییئوین اونایلادیغی پلان چرچیوهسینده ۱۳ سپتامبردا باشلایان مانور قابسامیندا تورکیه هاوا گوجلرینه عاید ۳۰ دولاییندا اوچاق و هلیکوپترین اؤلکهیه گلدیگی بیلدیریلدی.
یارین ائدیلهجک مانورا، هر ایکی اؤلکهدن میگ-۲۹، ف-۱٦، سو-۲٥ ساواش، ج-۱۳۰ هرکول نقلیه اوچاقلاری، می-۲٤، ایاچ-۱دبلیو سوپر کبرا، می-۱۷، سکورسکی اواچ-٦۰ ساواش هلیکوپترلرینین قاتیلاجاغی ایفاده ائدیلدی.
مانوردا، قارشیلیقلی حرکت ائتمه ایمکانلارینین یانیندا اوچاق و هلیکوپترلردن تعیین اولونان هدفلره آتیشلار ائدیلهجک.
آذربایجان ساوونما باخانی ذاکیر حسنووون امرینده ائدیلن و ۲۰ سپتامبرا قدر داوام ائدهجک مانورا ۳۰ مین عسگر، ۲٥۰دن چوخ زرهلی آراج، ۱٥۰ موشک و توپ، ساواش اوچاقلاری و هلیکوپترلر قاتیلیر.