باکی‌نین قورتولوش گونو قوتلو اولسون!
باکی‌نین قورتولوشونون ۹٦.جی ایل‌دؤنومو بؤیوک بیر جوشقویلا قوتلانیر
آذربایجان شرف و قورور گون‌لرین‌دن بیرینی یاشاییر.
دوست و قارداش اؤلکه‌ده، باکی‌نین قورتولوشونون ۹٦.جی ایل‌دؤنومو بؤیوک بیر جوشقویلا قوتلانیر. بو بؤیوک ظفرین معمارلاری اولان شهیدلر رحمت و سایقی ایله آنیلیر.
قوتلامالار اؤنجه‌سینده دونن باکی‌داکی تورک شهیدلیگی زیارت ائدیلدی. شهیدلیگه قدر یئریین گنج‌لر، باکی‌نی دوشمن ایشغالین‌دان قورتاران تورکیه‌لی عسگرلری سایقی و رحمتله آندی‌لار.
رسمی قوتلامالار دا سحر ساعات‌لاریندا باکی‌داکی تورک شهیدلیگینده، ائلچی آلپ‌ار جوشقونون شهیدلیک آنیدینا چلنگ بوراخیلماسییلا باشلادی. شهیدلیک اؤزل دفتری‌نین ایمضالانماسی‌نین آردین‌دان، تمثیلی مزارلارا قرنفیل‌لر بوراخیلدی. تؤرن، باکی ائلچیلیگی‌نین نورو پاشا سالونوندا داوام ائتدی.
۱۹۱۸.جی ایلین ۱٥ سپتامبر گونو نورو پاشا امرین‌دکی قافقاز ایسلام اوردوسو باکی‌نی روس، ارمنی و اینگیلیس بیرلیک‌لرین‌دن اولوشان اوردونون ایشغالین‌دان قورتاردی. بو عملیات‌لار سیراسیندا ۱۱۳۰ تورک عسگری شهید اولدو.
