تورکمنیستان و قیرقیزیستان پرزیدنتلری تورکیهده
تورکیه جمهورباشقانی گول، چانکایا کؤشکونده آتامبایئو شرفینه گونورتا، بردی محمدوو شرفینه ایسه رسمی آخشام یئمگی وئرهجک
تورکمنیستان و قیرقیزیستان پرزیدنتلری تورکیهده ...
بودرومدا صاباح ائدیلهجک تورک دولتلری امکداشلیق شوراسی 4-جو اجلاسی اوّلینده لیدرلر آنکارادا رسمی گؤروشمهلر اولاجاق.
تورکمنیستان دولت باشقانی قوربانقولو بردی محمدوو، پرزیدنت عبدالله گول طرفیندن چانکایا کؤشکونده رسمی مراسیمله قارشیلاناجاق.
باش-باشا و هیاتلر آراسی گؤروشمهلرین آردیندان گول ایله بردی محمدوو، ایکی اؤلکه آراسیندا ائدیلهجک موقاویلهلرین ایمضا مراسیمینه قاتیلاجاق.
داها سونرا بیرگه مطبوعات کونفرانسی تشکیل ائدیلهجک.
تورکیه بویوک میللت مجلیسی صدری جمیل چیچک و باش ناظیر رجب طیب اردوغان ایله ده آیری-آیری بیر آرایا گلهجک اولان تورکمنیستان پرزیدنتی ، تورک - تورکمن ایش فورومونا دا قاتیلاجاق.
قیرقیزیستان پرزیدنتی آلمازبک آتامبایئو ده ، بودرومداکی اجلاس اوّلینده آنکارادا گؤروشمهلر اولاجاق.
چانکایا کؤشکونده پرزیدنت گول طرفیندن رسمی مراسیمله قارشیلاناجاق اولان قیرغیزیستان پرزیدنتی ، داها سونرا گول ایله باش-باشا بیر گؤروشمه رئاللاشدیراجاق.
آتامبایئو، تورکیه-قیرقیزیستان یوکسک سویهلی ایستراتژی امکداشلیق شوراسینین ایکینجی توپلانتیسینا دا باش ناظیر رجب طیب اردوغان ایله بیرلیکده باشقانلیق ائدهجک.
ایکی اؤلکه آراسیندا ایمضالاناجاق موقاویلهلرین آردیندان اورتاق مطبوعات کونفرانسی تشکیل ائدیلهجک.
تورکیه جمهورباشقانی گول، چانکایا کؤشکونده آتامبایئو شرفینه گونورتا، بردی محمدوو شرفینه ایسه رسمی آخشام یئمگی وئرهجک.