فرانچسکو روکا:"تورکیه بونون عهده سیندن ان یاخشی شکیلده گلدی"
اولوسلار آراسی قیزیل آی و قیزیل خاچ جمعیت‌لری فدراسیونونون یئنی صدری فرانچسکو روکا ان وارلی اؤلکه‌یه بئله تأثیر ائده بیله‌جک سویه‌ده قاچقین قبول ائدن تورکیه‌نین بونون عهده سیندن ان یاخشی شکیلده گلدیگینی دئدی.
اولوسلار آراسی قیزیل آی و قیزیل خاچ جمعیت‌لری فدراسیونونون یئنی صدری فرانچسکو روکا ان وارلی اؤلکه‌یه بئله تأثیر ائده بیله‌جک سویه‌ده قاچقین قبول ائدن تورکیه‌نین بونون عهده سیندن ان یاخشی شکیلده گلدیگینی دئدی.
فرانچسکو روکا اولوسلار آراسی قیزیل آی و قیزیل خاچ جمعیت‌لری فدراسیونونون آنتالیادا کئچیریلن ایجلاسیندا یئنی صدر سئچیلن‌دن سونرا تشکیل ائدیلن مطبوعات کونفرانسیندا اونا دویولان اعتماد و وئریلن دسته‌یه گؤره تشککور ائدیب و دونیا‌داکی ان بؤیوک یاردیم تشکیلاتی‌نین صدری سئچیلدیگینه گؤره خوشبخت اولدوغونو سؤیله‌دی.
اینسانی معنادا جدی چتین‌لیک‌لرین یاشاندیغی بیر دؤورده اولدوغوموزا و یئنی سنایورلارین گوندمده اولدوغونا دقت چکن روکا بیلدیریب کی، موختلیف اؤلکه‌لر ایقلیم دییشیکلیگین‌دن تأثیرلنیر، دونیادا حرکت حالیندا اولان مین‌لرله اینسان وار. ایتالیا قیزیل خاچی اولا‌راق تورکیه ایله چوخ یاخین اولدوغوموزدان بحرانین باشلانیشین‌دان بری‌دیر بیرگه ایشلییریک. بیز عملیات چاغیریشی ائدیلدیگی گون‌دن بری‌دیر "هئچ بیر اینسان غیری-قانونی اولا بیلمز" دئیه دوشونوروک. ایتالیا‌داکی قیزیل خاچ اولا‌راق هر کسین شرف‌لی یاشاماسی‌نین واجیب‌لیگینه اینانیریق.
قیزیل خاچ و قیزیل آیی حرکتی اولا‌راق سس‌لرینی اوجا‌دان ائشیت‌دیرمک ایستدیک‌لرینی ایفاده ائدن روکا قئید ائدیب کی، ان حساس وضعیت‌دکی اینسان‌لارین احتیاج‌لارینا هر کس بلد اولما‌لی‌دیر. اونلارین سس‌لری ایله یاناشی یاردیم قورولوش‌لارین‌داکی کؤنول‌لو ایشله‌ین‌لرین سسینی ده چات‌دیرماق اوچون جهد گؤسترجییک.
