بنزینلی و دیزل ماشینلار قاداغان ائدیلیر
لندن بلدیه باشقانی صادق خان، اسکی دیزل اتومبیللرینی یئنی چئوره دوستو آراجلارلا دییشدیرمهلری اوچون وطنداشلارا 3 مین 500 پوند اؤدمه تکلیف ائتدی
اینگیلترهده، بنزین و دیزل یاناجاقلا ایشلهین بوتون یئنی آراجلارین ساتیشینین 2040 اعتباریله قاداغان ائدیلمهسی پلانلاشدیریلیر.
تایمز قازئتهسینین خبرینه گؤره، اینگیلترهنین باشکندی لندنین بلدیه باشقانی صادق خان، اسکی دیزل اتومبیللرینی یئنی چئوره دوستو آراجلارلا دییشدیرمهلری اوچون وطنداشلارا 3 مین 500 پوند اؤدمه تکلیف ائتدی.
حکومتین بئلهجه هاوا کیفیتینی یاخشیلاشدیرما اسراتژیسینین بیر پارچاسی اولاجاغی ایفاده ائدیلن خبرده، رسمی آچیقلامانین چرشنبه گونو ائدیلهجیی بیلدیریلدی.
دیزلدن قایناقلانان ازت دی اوکسید سالینیمینا قارشی مباریزه اوچون 225 میلیون پوند آیریلماسی پلانلاشدیریلیر.
اینگیلتره باخانلار قورولوندان بیر قایناق، قازئتهیه آچیقلاماسیندا،
"کیفیتسیز هاوا، اینگیلتره خالقینین ساغلیغی اوچون ان بؤیوک ائکولوژیک ریسک و حکومت ان قیسا مدتده قرارلی آددیملار آتما نیتینده" دئدی.
رسمی رقملره گؤره، اینگیلترهده هاوا چیرکلیلیگی ایلده تخمینا 50 مین ارکن اؤلومه یول آچیر، نتیجهلری ایسه هر ایل بودجهیه 25.5 میلیارد پوندا باشا گلیر.