تورکیه قوش موختلیفلیگی باخیمیندان دا اهمیتلی بیر سرمایهیه صا
قوش کؤچو اثناسیندا اوروپا، آسیا، سیبیری، اورتا شرق و قافقازلاردان گلن میلیونلارلا قوش، اؤلکهمیزه گلیب بیر هونی شکلینده بیزدن کئچهرک قیشلایاجاقلاری ایستی اؤلکهلره کؤچ ائدیر
![تورکیه قوش موختلیفلیگی باخیمیندان دا اهمیتلی بیر سرمایهیه صا](http://cdn.trt.net.tr/images/xlarge/rectangle/10-11/Files/UploadedImages/9579862668rkiyevrupannkuzengini.jpg?time=1719008050)
اوروپا ایله آسیا قارّهلری آراسیندا یئر آلان تورکیه، بو خوصوصیتیله بیر چوخ ساحهده صاحب اولدوغو اوستونلوکلرین یانیندا قوش موختلیفلیگی باخیمیندان دا اهمیتلی بیر زنگینلیگه صاحب.
ایغدیرین توزلوجا منطقهسینه باغلی آشاغی جییریکلی کندینده اولان آراز چایی قوش جننتیندکی خالقالاما ایشلرینه قاتیلان آمریکاداکی اوتاه اونیورسیتهسیی بیولوژی بؤلومو اوستادی چاغان شکرجی اوغلو، ائتدیگی آچیقلامادا، تورکیهنین جوغرافی موقعیتی ایله باشدا قوشلار اولماقلا چؤل حیاتی اوچون ان اهمیتلی دهلیز وظیفهسی بوینونا گؤتوردوگونو سؤیلهدی.
اوروپا و آسیا آراسیندا مدنی و تیجاری معنادا قارّهلر آراسی کؤرپو وظیفهسی گؤرن تورکیهنین، چوخ سایدا قوش نوعونون ده کؤچ روتاسیندا یئر آلدیغینا ایشاره ائدن شکرجی اوغلو، بونلاری قید ائتدی:
"قوش کؤچو اثناسیندا اوروپا، آسیا، سیبیری، اورتا شرق و قافقازلاردان گلن میلیونلارلا قوش، اؤلکهمیزه گلیب بیر هونی شکلینده بیزدن کئچهرک قیشلایاجاقلاری ایستی اؤلکهلره کؤچ ائدیر. تورکیه قوش مختلیفلیگی باخیمیندان اوروپانین ان اهمیتلی اؤلکهسیدیر. ایندییه قدر 478 قوش نوع تثبیت ائدیلدی . هر ایل بیر نئچه یئنی نوع انوانتره علاوه اولونور. بیزیم گؤزلهدیمیز، اؤنوموزدکی 10 ایل ایچریسینده اؤلکهمیزده تثبیت ائدیلن قوش نوع سایسی 500و کئچهجک."