تورک زیتون و زیتون یاغی روس سرگی‌سینده

تورکیه و روسیا آراسین‌داکی تیجارت علاقه‌لری‌نین اینکیشافین‌دان سونرا آددیم آتان تورک زیتون و زیتون یاغی صادراتچیلاری پایتاخت مسکو‌داکی سرگیده گنیش هئیتله قاتیلدی.

تورکیه‌ده 26 آنا صادراتچی سئکتورونون هامی‌سی‌نین سئچیمی روسیا اولدو.

روسیانین 140 میلیون‌دان چوخ جمعیتی، تورکیه‌یه یاخین اولماسی، زیتون و زیتون یاغی اوره تیمی نین اولماماسی سببین‌دن تورک زیتون و زیتون یاغی سئکتورو اوچون ده اؤنم‌لی بازاردیر.

تورک زیتون و زیتون یاغی سئکتورونون نماینده‌لری روسیادا 11-14 سپتامبر تاریخ‌لرینده کئچیریله‌جک World Food Moscow سرگی‌سینه قاتیلاجاق.

بو ایل خصوصیله روسیایا زیتون یاغی صادراتیندا اؤنملی آددیم‌لار آتیلیر.

2016/17  سئزونونون ایلک اوچ آییندا زیتون یاغی صادراتی کئچن سئزونون عینی دؤورو ایله مقایسه‌ده 231 فایزلیک رکورد آرتیم گؤستره‌رک 11 میلیون 215 مین دو‌لاردان 37 میلیون 176 مین دو‌لارا چیخدی. آرتیمین بو سئزوندا دا داوام ائدجیی گؤزله‌نیلیر.

تورکیه‌ده زیتونچولوق سون 17 ایلدکی یاتیریم‌لارلا اؤنم‌لی اینکیشاف ائدیب. تورکیه‌نین 90 میلیون زیتون آغاجی 177 میلیونا چیخاریلدی. بو آغاج‌لاردان زیتون الده ائدیله جگی تقدیرده تورکیه‌نین 650 مین تون اولان زیتون یاغی اوره تیمی ایله دونیادا ایکینجی یئری، 1 میلیون 200 مین تون سفره لیک زیتون اوره تیمی ایله بیرینجی یئری توتماسی گؤزلنیلیر.