میللی سارایلاردا رکورد
ایستانبولداکی دولماباغچا سارایی قوناق ساییسیندا ۶۱۱ مین نفرله لیستین باشیندا یئر آلدی
میللی سارایلاری بو ایلین ایلک ۶ آییندا گزن توپلام توریستلرین ساییسی اؤتن ایلین عینی دؤورونه گؤره یوزده ۲۰ آرتیشلا ۸۴۴ مین نفره چاتدی.
میللی سارایلار ایدارهسی باشقانلیغیندان وئریلهن معلوماتا گؤره، ایستانبولداکی دولماباغچا سارایی قوناق ساییسیندا ۶۱۱ مین نفرله لیستین باشیندا یئر آلدی.
ایستانبولدا آنادولو یاخاسینین ان چوخ توریست آغیرلایان سارایی بیلربیی ایسه، ۷۷ مین قوناق ایله ایکینجی اولورکن، ایهلامور قصری، گئچن ایل اولدوغو کیمی ۴۷ مین نفرله لیستده اوچونجو یئری قورودو.
قوناق پروفیلینده ده بعضی دییشیکلیکلر گؤرولهن میللی سارایلارا گلن آوروپالی توریست ساییسیندا ایسپانیوللار، ایتالیانلار، یونانلار ایلک سیرالاردا یئر آلدی.
اؤتن ایل چین توریزمینده "تورکییه ایلی" اعلان ائدیلمهسی موناسیبتی ایله میللی سارایلارا ایلگیسی چوخ اولان چینلی قوناقلاری بو ایل سایی باخیمیندان، اوزاق دوغولو قروپلاردان تایوانلی، ویتناملیلار و هنگ کنگلولار تعقیب ائتدی.
میللی سارایلار ایدارهسینین باشقانلیغی، اؤتن ایل ۱ میلیون ۴۳۰ مین یئرلی و خاریجی توریستی آغیرلامیشدی.