پاریسده تۆرک مدنیت و صنعتی تانیدیلدی

یونوس امره انستیتوسو لیدئرلیگی و آذربایجان جمهوریتی ائلچیلیگی مدنیت مرکزینین ائو صاحیبلیگینده گئرچکلشدیریلن تۆرک مدنیتی و صنعتی گونلری، تۆرک دؤولتلرینین اورتاق مدنیتینین تانیتیمینی هدفله‌ییر

2148691
پاریسده تۆرک مدنیت و صنعتی تانیدیلدی

 

فرانسانین باشکندی پاریسده، تۆرک مدنیت و صنعتینین تانیدیلدیغی فعالیت تشکیل ائدیلدی.

تۆرک دؤولتلرینین اورتاق مدنیتینین تانیتیمینین هدفلندیگی، یونوس امره انستیتوسو لیدئرلیگی و آذربایجان جمهوریتی ائلچیلیگی مدنیت مرکزینین ائو صاحیبلیگینده گئرچکلشدیریلن تۆرک مدنیتی و صنعتی گونلری فعالیتینه بوروکراتلار، تۆرک و فرانسالی صنعتچیلر ایله صنعت‌سئورلر قاتیلدی.

فعالیتده فوتوگراف صنعتچیسی مصطفی سئوه‌نین "آنادولونون ایزلری – پورتره‌لر" سرگیسی یئر آلیرکه‌ن، پیانیست گورآی باش‌اول و نی صنعتچیسی پئلین باشار دا قوناقلارا "دوغو و باتی کۆله‌گی" آدلی رسیتال سوندو.

محمد آسلانین کیوریتورلوغوندا تشکیل ائدیله‌ن زیتون قونولو فوتوگراف سرگی‌سینده ایسه آنادولو تورپاقلاریندا ۶ مین ایلده‌ن چوخدور یئتیشه‌ن زیتونون، تۆرک مطبخ گله‌نگینین و حیات طرزینین آیریلماز پارچاسی اولدوغو وورغولاندی.

آیریجا تۆرک لذتلرینین دادیمی فعالیتی ده ائدیلدی.

پاریس یونوس امره انستیتوس مودورو دکتر سلین آیدین، "تۆرک مدنیتینی و صنعتینی پاریسین هر بوجاغینا داشیماغا و پروژه‌لر تشکیل ائتمه‌یه داوام ائدجییک" دئدی.



ایلگیلی‌لی خبرلر