روس‌لار، تورکیه‌ده روبل ایله اؤدمه ائده بیله‌جک
روس توریست‌لر تورکیه‌دئیکن اؤزلرینی ائولرینده حیس ائده‌جک. آنا دیل‌لرینده دانیشیلان و یئرلی پول واحیدیله آلوئر ائده بیله‌جک
روس‌لار، تورکیه‌ده روبل ایله اؤدمه ائده بیله‌جک.
روسیا و تورکیه‌نین، ایکیطرف‌لی تیجارتده یئرلی پول واحیدلریله آلوئرین پایینی آرتیرماق ایشلرینی داوام ائتدیردیگی بیر دؤورده، سبربانک بونیه‌سین‌دکی دنیزبانک باش دیرکتورو حاکان آتش‌‌دن ایکی اؤلکه‌ده ده سس سالان بیر آچیقلاما گلدی.
روسیانین ایلک دفعه ائو صاحب‌لیگی ائتدیگی و 28 ژانویه‌ده موسکوادا رئال‌لاشان دونیا توریزم فورومو روسیا ایجلا‌سی 2017ده دانیشان حاکان آتش، روس توریست‌لرین تورکیه‌ده روبل ایله اؤدمه ائتمه‌سینه ایمکان تامین ائده‌جک بیر سیستمی ایجرایا قویاجاق‌لارینی آچیقلادی.
10 اؤلکه‌دن 25 ناطقین و 350 قاتیلیمچی‌نین حاضیر اولدوغو ایجلاسدا بو اهمیت‌لی پروژه حاقیندا معلومات وئرن آتش، ایلک اعتاپدا توریزم و اکینچیلیک ساحه‌سینده حیاتا کئچیریله‌جک بو ایجرا ایله روس‌لارین تورکیه‌دکی ATM-لردن بوتون اؤدمه و بانکچی‌لیق عملیات‌لاریندا روبل ایله عملیات ائده بیله‌جگینی قید ائتدی.
بو سیستم چرچیوه‌سینده همچینین روسیادا بو آن روبل ایله تورکیه تورلاری‌نین ساتیشینا باشلاندیغینی دا وورغولایان آتش،
"روس توریست‌لره مختلیف توریزم خیدمت‌لری تکلیف ائدیریک. بعضی تور اوپراتورلاری و اوتل‌لر، روبل ایله سرویس وئرمه‌یه حاضیر. روس توریست‌لر تورکیه‌دئیکن اؤزلرینی ائولرینده حیس ائده‌جک. آنا دیل‌لرینده دانیشیلان و یئرلی پول واحیدیله آلوئر ائده بیله‌جک." دئیه دانیشدی.
ATM -لرین بوتون تعطیل بؤلگه‌لرینده و توریزم دیارلاریندا روس دیلینده ده خیدمت وئردیگینی یازان حاکان آتش،
"سبربانک دونیانین ان بؤیوک بانکلاریندان بیری و روسیانین ان بؤیوک بانکی اولدوغو اوچون تشککور بانکچی‌لیغی (Spasibo Banking) چرچیوه‌سینده بوتون کارت‌لاری بیزده کومیسیونسوز عملیات گؤرور. ATM-لرده روبل یاتیریلابیلیر، روبل چکه‌بیلیر." ایفاده‌لرینی ایستیفاده ائتدی.
ایلگیلی‌لی خبرلر
ایستانبول موسیقی فستیوالینین باشلادی
فستیوال چرچیوه‌سینده ۱۲ ژوئنه قدر، ۱۷ فرقلی مکاندا، ۲۵ کونسرت وئریله‌جک
