نسلی تۆکنمیش قوشون تک تۆکو رکورد قیمته ساتیلدی

یئنی زلانددا نسلی تۆکنمیش هوئیا قوشونون تک تۆکو، آچیق آرتیرمادا تخمیناً ۲۸ مین دلارا (تخمیناً ۴۶ مین یئنی زلاند دلاری) ساتیلاراق دونیانین "ان باهالی تۆکو" اولدو.

بی‌بی‌سی‌نین خبرینه گؤره، وبس مزایده ائوی، باشدا توکون تخمیناً ۳ مین دلارا ساتیلماسینین گؤزله‌نیلدیگینی آچیقلادی.

حراجدا ۲۸ مین دلارلا ایندییه قدر "ان باهالی تۆکون" ساتیلدیغی ایفاده ائدیله‌ن آچیقلامادا، داها اؤنجه بو قوشون بیر تۆکونون تخمیناً ۵ مین دلارا (۸ مین یئنی زلاند دلاری) ساتیلدیغی ایفاده ائدیلدی.

بس حراج ائوینین دکوراتیف صنعتلر مودورو لیا موریس، یئنی  زلاندین یئرلی خالقی مائوریلرین "قوتسال" قبول ائتدیگی هوئیا قوشونا عاید توکۆن دورومونون "چوخ یاخشی" اولدوغونو و اوزون مدت قورونابیله‌جگینی ایفاده ائتدی.

یئنی زلاند موزه‌سینه گؤره، هوئیا قوشلارینا عاید تۆکلر، گئچمیشده مائوری خالقی اوچون ایستاتو سمبولو ایدی آنجاق بو قوشلارین، کلکسیونچیلارین هدفی حالینا گلمه‌سی نسیلینین تۆکه‌نمه‌سینه یول آچدی.

هوئیا قوشونون ان سون ۱۹۰۷ده گؤرولدوگو تخمین ائدیلیر.