تۆرکیه‌یه گلن قوناق ساییسی آرتدی

بو ایلین ایلک ۴ آیلیق دؤنمینده تۆرکیه‌یه ان چوخ قوناق گؤندره‌ن اؤلکه‌لر سیرالاماسیندا ایران اوچونجو اولدو

2143967
تۆرکیه‌یه گلن قوناق ساییسی آرتدی

تۆرکیه، ایلین ایلک ۴ آییندا ۱۲ میلیون ۶۷۸ مین ۹۵۹ قوناق آغیرلادی.

کۆلتور و توریزم باخانلیغینین ۲۰۲۴ ایلی ژانویه-آوریل دؤنمی بیلگیلرینه گؤره، تۆرکیه‌یه گلن توریستلرین ۱۰ میلیون ۶۵۴ مین ۹۴و خاریجیلردن اولوشدو. ۲ میلیون ۲۴ مین ۸۶۵ ده (یورددیشیندا یاشایان) تۆرک وطنداشینین گلدیگی تۆرکیه‌نین قوناق ساییسی ۱۲ میلیون ۶۷۸ مین ۹۵۹ نفره چاتدی.

گئچه‌ن ایلین عینی دؤنمینه گؤره خاریجی قوناق ساییسیندا یوزده ۱۱،۷۵ آرتیش اولدو.

بو ایلین ایلک ۴ آیلیق دؤنمینده تۆرکیه‌یه ان چوخ قوناق گؤندره‌ن اؤلکه‌لر سیرالاماسیندا آلمانیا، یوزده ۱۶،۲۰ آرتیش و ۱ میلیون ۱۲۲ مین ۹۳۰ قوناقلا بیرینجی سیرادا یئر آلدی. روسیا، ۱ میلیون ۷۸ مین ۲۹۴ قوناق ایله ایکینجی سیرادا اولارکه‌ن، ایران یوزده ۵۱،۷۸ آرتیمش و ۹۴۶ مین ۴۳۷ قوناق ایله اوچونجو اولدو. بو اؤلکه‌لری بولقاریستان و اینگیلتره ایزله‌دی.

تۆرکیه‌یه آوریل آییندا گلن خاریجی قوناق ساییسی، گئچه‌ن ایلین عینی آیینا گؤره یوزده ۸،۷۱ آرتاراق ۳ میلیون ۶۱۱ مین ۲۴۴ اولدو.

آوریل‌ده تۆرکیه‌یه ان چوخ قوناق گؤندره‌ن اؤلکه‌لر سیرالاماسیندا آلمانیا ۴۳۴ مین ۸۶۳ نفرله بیرینجی سیرادا یئر آلدی. روسیا یوزده ۴،۰۷ آرتیش و ۳۹۶ مین ۱۵۵ نفر ایله ایکینجی سیرادا اولارکه‌ن، اینگیلتره یوزده ۱۸،۰۱ آرتیش و ۳۳۰ مین ۱۱۲ نفرله اوچونجو اولدو. بو اؤلکه‌لری بولقاریستان و ایران ایزله‌دی.

تۆرکیه توریزمی، ۲۰۲۴.جو ایلده ده باشری گرافیکینی یوخارییا داشییاراق بؤیومه‌سینی داوام ائتدیریر.



ایلگیلی‌لی خبرلر