تورک سینماسی 100 یاشیندا

تورک سینماسی 100.جو ایلینی قوتلاییر.
ایستانبول‌دا تشکیل ائدیلن اولدوزلار کئچیدی آدلی پروگرامدا، "یاشیل‌چام‌"ین اولدوزلاری، هم فیلملری، هم ده حافظه‌لره قازیلان ماهنیلارییلا سئون‌لری‌نین قارشی‌سیندا.
تورک سینماسینین 100.جو ایلی، خلیج کنگره مرکزینده قوتلاندی.
ایستانبول بؤیوک‌شهر بلدیه باشقانی قیدر توپ‌باش، 100 ایللیک سینما تاریخی‌نین بؤیوک بیر امک محصولو اولدوغونو سؤیله‌دی.
سینما صنعتچی‌لری تورکان شورآی، حولیا کوچ‌ییگیت و فیلیز آکین دا دویغولارینی دیله گتیردی.
تورکان شورآی، "بو نه بؤیوک موتلولوق، روحومون بو آن قانادلانیب اوچدوغونو حس ائدیرم. بیزلره بونو یاشاتدیغینیز اوچون بوتون اورییمله تشکر ائدیرم" دئدی.
حولیا کوچ‌ییگیت ده، "سینما صنعتچی‌سی اوچون ان بؤیوک شرف و قورور، ایزله‌ییجی‌سی ایله بیرلیکده اولدوغو آندیر. یعنی خالقلا بیرلیکده اولدوغو آنلار. چونکو سیزلر بیزی ایللرجه یالنیز پرده‌ده گؤردونوز. سیزینله همیشه گؤروشمک ایستدیک. چوخ گؤزل بیر وسیله اولدو بو آخشام" دئدی.
فیلیز آکین ایسه، "سیحیرلی قوتو دئییلن سینما هله سیحرینی قورویور. ایندیکی واختدا هله ده ان اؤنم‌لی صنعت ساحه‌سی. نوری بیلگه جئیلانین آلدیغی کن اؤدولویله ده تاجلاندی" شکلینده دانیشدی.
پروگرامدا، قیدر توپ‌باش، صنعتچی‌لرله بیرلیکده متین اؤزاولکو اورکستراسی ائشلیگینده یاشیل‌چام ماهنی‌لارینی سسلندیردی.