ایسرائیلده نتانیاهویا قارشی تظاهرات ائدیلیب
تظاهراتچیلار نتانیاهو حؤکومتینی غزهده آتیشکس و محبوس موبادیلهسینی قبول ائتمهیه چاغیریبلار
ایسرائیلده باش ناظیر بنیامین نتانیاهو حؤکومتینه «حماس ایله آتیشکس و محبوس موبادیلهسی راضیلاشماسی» اوچون تضییقلر آرتماقدا داوام ائدیر.
پایتخات تلآویوده دونن گئجه ساعاتلاریندا یوزه یاخین آدام کوچهلره چیخاراق یوللاری نقلیاتین حرکتینه باغلاییب.
تظاهراتچیلار نتانیاهو حؤکومتینی غزهده آتیشکس و محبوس موبادیلهسینی قبول ائتمهیه چاغیریبلار.
مودافیعه ناظیرلیگینین قارشیسینا توپلاشان تظاهراتچیلار اللرینده "محبوسلاری آزاد ائدین" و "هئچ بیر قیمت چوخ باها دئییل" یازیلی پلاکارتلار قالدیراراق، حماس ایله تعجیلی راضیلاشما طلب ائدیبلر.
ایسرائیلین افراط ساغچی ناظیرلری دئمک اولار کی، هر گون رفح شهرینین قورو ایشغالینا چاغیرسالار دا، محبوس موبادیلهسینه لازیمی اهمیت وئرمدیکلری اوچون تنقید و اعتیراضلارا معروض قالیرلار.
ایسرائیل حاکیمیتینین معلوماتینا گؤره، غزه زولاغیندا 130-دان چوخ ایسرائیللی محبوس وار و اونلاردان بعضیلری اؤلوب.
ایلگیلیلی خبرلر
یونانین مودافیعه ناظیری: تورکیه گمیقاییرماچیلیق ساحهسینده ایرلیده
نیکوس دندیاس یونان حربی دنیز قووهلرینین ایقتصادی بؤحران دؤورونده گئری قالدیغینی بیلدیریب