یونانین مودافیعه ناظیری: تورکیه گمیقاییرماچیلیق ساحهسینده ایرلیده
نیکوس دندیاس یونان حربی دنیز قووهلرینین ایقتصادی بؤحران دؤورونده گئری قالدیغینی بیلدیریب
یونانین مودافیعه ناظیری نیکوس دندیاس تورکیهنین گمیقاییرماچیلیق ساحهسینده بؤیوک ایرلیلَییش الده ائتدیگینی، یونان حربی دنیز قووهلرینین ایقتصادی بؤحران دؤورونده بو باخیمدان گئری قالدیغینی بیلدیریب.
نیکوس دندیاس، مودافیعه، یئنیلیکچیلیک مرکزینین یارادیلماسی ایله باغلی پارلماندا سسوئرمه اؤنجهسی چیخیشیندا سیلاحلی قووهلرین احتیاجلارینا توخونوب.
دندیاس چیخیشی زامانی تورکیهده گمیقاییرما ساحهسیندکی ایرلیلَییشله باغلی بونلاری دئییب:
"تورکیه حقیقتا ده گمیقاییرما و خام ماده الده ائتمک ساحهسینده بؤیوک بیر ساحهیه قدم قویوب. یونان، حتی قدیم شهر-دؤولت دؤورونده ده همیشه دنیزلرده اوستونلوک الده ائتمهیه چالیشیب. دنیز قووهلرینین مدرنلشمهیه احتیاجی وار. بؤحران ایللرینده چوخ گئریده قالدیق، پلاتفورملاریمیزی و سیستملریمیزی ساخلاماق اوچون پول تاپا بیلمهدیک. بو تلافی ائدیلمهلیدیر."