"اؤلو" اولدوغو دئییلن ایسرائیل قوماندانی اسیر گؤتورولوب

فیلیسطینین حماس مقاویمت حرکاتی ایسرائیلین اؤلدویونو ادعا ائتدیگی قوماندان آسف حمامینی اله کئچیردیگینی آچیقلاییب.

حماسین سیلاحلی قانادی عزالدین قسام توغایلاری ایسرائیل اوردوسونون گونئی توغایی غزه اوردوسو قوماندانی آلبای آسف حمامینین اکتبرین 7-ده غزه سرحدینه بیتیشیک یهودی یاشاییش منطقه‌لرینه هوجوم زامانی یارالاناراق اسیر گؤتورولدویونو بیلدیریب.

قسام توغایلاری طرفیندن تلگرام پلاتفورموندا یاییملانان ویدئودا حمامینین اسیر آلیندیغی زامان یارالاندیغی دا بیلدیریلیر.

"ایندی اونون (حمامینین) طالعی نئجه‌دیر؟" سوالین وئریلدیگی ویدئودا ایسرائیل رهبرلیگینین عسگرلرینی اسیرلیکده قویدوغو قید ائدیلیب.

"واخت گئدیر، حؤکومتینیز یالان دانیشیر." ایفاده‌سینین ایشلدیلدیگی ویدئودا حمامینین اؤلو و یا دیری اولماسی ایله باغلی هئچ بیر معلومات وئریلمییب.

ایسرائیل اوردوسو دسامبرین 2-ده وئردیگی آچیقلامادا گونئی توغایی غزه اوردوسو قوماندانی آلبای آسف حمامینین اکتبرین 7-ده اؤلدورولدویونو و جسدینین حماسین الینده اولدوغونو آچیقلاییب.