آمریکادان ایروانداکی اعتراضچیلارا چاغری

"اعتراضچیلاری شدتدن اوزاق دوراراق توپلانما اؤزگورلوگو حاقلاریندان مسئولانه بیر شکیلده ایستیفاده ائتمه‌یه چاغیریریق"

2152921
آمریکادان ایروانداکی اعتراضچیلارا چاغری

ارمنیستان‌داکی آمریکا ائلچیلیگی، ایروانداکی اعتراضچیلارا شدتدن قاچیناراق توپلانما اؤزگورلوگو حاقلاریندان "سوروملو بیر شکیلده ایستیفاده ائتمه" چاغریسی ائتدی.

ائلچیلیک، "آمریکا ائلچیلیگی ایرواندا گئرچکلشن اعتراضلاری ایزله‌ییر. اعتراضچیلاری شدتدن اوزاق دوراراق توپلانما اؤزگورلوگو حاقلاریندان مسئولانه بیر شکیلده ایستیفاده ائتمه‌یه چاغیریریق. سیاسی آنلاشیلمازلیقلار دموکراتیک سۆره‌جلر یولویلا تحلیل ائدیلمه‌لیدیر" یورومونو وئردی.

ائلچیلیک آیریجا امنیت گوجلرینه "توگلومسال نظمی وطنداشلارین ایفاده و توپلانما اؤزگورلوگو حاقلارینی ضمانت آلتینا آلاجاق شکیلده قوروما" و ژورنالیستلرین داخیل اولدوغو بوتون حادثه‌لری سوروشدورما چاغریسی ائتدی.

ارمنیستان ساغلیق باخانلیغینین بیلگیلرینه گؤره ۱۲ ژوئنده باگرامیان جاده‌سینده گئرچکلشن اعتراضلار نتیجه‌سینده، آرالاریندا پلیس مأمورلاری و ژورنالیستلرین ده اولدوغو ۱۰۱ نفر طبی یاردیم اوچون مراجعت ائتدی. بونلاردان ۶۶سی خسته‌خانادان مرخص ائدیلرکه‌ن، ۳۲ نفرین معالیجه‌لری داوام ائدیر .

۱۲ ژوئنده ارمنیستان باشباخانی نیکول پاشینیانین پارلمان اؤنونده‌کی میداندا دانیشدیغی سیرادا اعتراضچیلار، استعفاسینی ایسته‌دی. ارمنیستان ایچ ایشلری باخانلیغی، میتینگ ایشتیراکچیلاری ایله پلیس آراسیندا چیخان چاتیشمالاردا ۴۲ گؤستریچینین گؤزآلتینا آلیندیغینی بیلدیردی. داها سونرا ارمنی پلیسی، پارلمان یاخینینداکی اعتراضا قاتیلان ۹۸ نفرین گؤزآلتینا آلیندیغینی آچیقلادی.



ایلگیلی‌لی خبرلر