ایسراییل گئجه بویونجا غزه-یه هاوا ضربهلری ائندیریب
ایسراییلین غزه زولاغینا تشکیل ائتدیگی هوجوملاردا 78-ی اوشاق اولماقلا 493 نفر اؤلوب، 2751 نفر یارالانیب.
![ایسراییل گئجه بویونجا غزه-یه هاوا ضربهلری ائندیریب](http://cdn.trt.net.tr/images/xlarge/rectangle/0f99/5ab0/b2bf/6523e2c7ec6ca.jpg?time=1719013934)
ایسراییلین غزه زولاغینا تشکیل ائتدیگی هوجوملاردا 78-ی اوشاق اولماقلا 493 نفر اؤلوب، 2751 نفر یارالانیب.
فیلیسطین ساغلیق ناظیرلیگینین غزه-ده وئردیگی آچیقلامادا، شنبه گونوندن بو یانا ایسراییل-ین غزه-یه تشکیل ائتدیگی هوجوملاردا 493 فیلیسطینلینین حیاتینی ایتیردیگی، 2751 فیلیسطینلینین ایسه یارالاندیغی بیلدیریلیب.
آچیقلامادا همچنین "ایسراییل-ین فیلیسطینلی عائلهلره قارشی حیاتا کئچیردیگی 8 قتل عام دا 54 نفرین اؤلدوگو" ایفاده ائدیلرکن، مؤوضوع ایله باغلی اطرافلی معلومات وئریلمهییب.
ایسراییل دؤیوش اوچاق لارینین غزه زولاغینین موختلیف بؤلگهلرینه گئجه بویو ائندیردیگی هاوا ضربهلری نتیجهسینده ایسه 24 نفر حیاتینی ایتیریب.
غزه-دهکی خستهخانالار و تهلوکهسیزلیک منبعلریندن آلینان معلوماتا گؤره، ایسراییل ساواش اوچاق لارینین غزه-نین میصر سرحدینه یاخین رفح شهرینده ابوهلال عائلهسینین ائوینه تشکیل ائتدیگی هاوا هوجومو نتیجهسینده عائلهنین 18 عضوو حیاتینی ایتیریب.
هوجوم زامانی داغیلان ائوین آلتیندان چیخاریلان یارالیلارا طبی یاردیم گؤستریلیب.
تهلوکهسیزلیک منبعلریندن الده ائدیلن معلوماتا گؤره، شهرین قوزیی بؤلگهلریندهکی بیت لاهی بؤلگهسینده بعضی عائلهلرین ائولرینین هاوادان بومبالانماسی نتیجهسینده 1 نفر اؤلوب، 20-دن چوخ آدام یارالانیب.
غزه-نین گونئی یندهکی خان یونوس شهرینده یئرلشن ابوالامرین عائلهسینه مخصوص ائوین دؤیوش اوچاق لاریندان آتیلان راکت ایله وورولماسی نتیجهسینده عمومیلیکده 5 نفر حیاتینی ایتیریب، چوخ سایدا اینسان یارالانیب.
ایسراییل ساواش اوچاق لاری الیرموک مسجیدینی راکتلرله هدفه آلیب. بومبالانمیش مسجید داغیدیلیب.
بو داغینتی ایله ایسراییلین محاصرهده اولان غزه زولاغینا ائندیردیگی هاوا ضربهلری نتیجهسینده داغیدیلان مسجیدلرین سایی 4-ا یوکسلیب.
ایسراییلین هاوا هوجوملارینا جاواب اولاراق غزه-دن راکتلر آتیلیب.
محاصرهیه آلینمیش غزه زولاغیندان ایسراییله دوغرو راکت آتیشی اوچونجو گوندور کی، داوام ائدیر.
خصوصیله ایسراییلین گونئی یندهکی غزه زولاغی اطرافینداکی یاشاییش منطقهلرینده واختاشیری آژیر سسلری ایشیدیلیر.
ایسراییل اوردوسونون اونلارلا تانکی، زرهلی تجهیزاتی و حربی حیسهلری غزه زولاغی اطرافینا یئرلشدیریلسه ده، بؤلگهده فعاللیق داوام ائدیر.
غزه زولاغینداکی خستهخانا منبعلریندن آلینان معلوماتا گؤره، ایسراییل دؤیوش اوچاق لارینین غزه-نین دغوسونداکی شجاعیه بولگه سینده حراره عائلهسینین ائوینی هدف آلماسی نتیجهسینده 7 نفر یارالانیب. عینی بؤلگهده "حماس"ین قوروجولاریندان بیری، سیاسی بورو عضوو روحی مشتهنین ائوینه ده آنالوژی هاوا هوجومو حیاتا کئچیریلیب.
بو گئجه هاوا هوجوملاری خصوصیله شدتلی اولسا دا، سحر ساعات 05.38-دن اعتباراً شهرین بیر چوخ یئرینده بومباردمانلار فاصیلهسیز اولاراق داوام ائدیب.
بؤلگهده یاشایان شاهیدلرین سؤزلرینه گؤره، شهرین قوزیییندهکی بیت حانون قصبهسینین بلدیه اراضیسینده، کارامان و ناایما کوچهلریندهکی بینالارا 60-دان چوخ هاوا هوجومو حیاتا کئچیریلیب و بومباردمان نتیجهسینده ائولره و آلت یاپییا جدی زیان دئییب.