ایسرائیلین غزه‌یه هجوملاری داوام ائدیر

فیلیسطین رسمی خبر آژانسی وفانین خبرینه گؤره، ایسرائیل دؤیوش طیاره‌لری، غزه نین اورتاسینداکی نصیرات مهاجیر دوشرگه‌سینده بیر ائوی هدف آلدی. هوجومدا ۲ فیلیسطینلی اؤلدو، ۱۲ آدام یارالاندی

2154566
ایسرائیلین غزه‌یه هجوملاری داوام ائدیر


ایسرائیلین غزه نین موختلیف بؤلگه‌لرینده ائولره تشکیل ائتدیی هاوا هوجوملاریندا آرالاریندا اوشاقلارین دا اولدوغو چوخ سایدا فیلیسطین‌لی حیاتینی ایتیردی.

فیلیسطین رسمی خبر آژانسی وفانین خبرینه گؤره، ایسرائیل دؤیوش طیاره‌لری، غزه نین اورتاسینداکی نصیرات مهاجیر دوشرگه‌سینده بیر ائوی هدف آلدی. هوجومدا ۲ فیلیسطینلی اؤلدو، ۱۲ آدام یارالاندی.

ایسرائیل اوردوسونون بوریج و مغازی مهاجیر دوشرگه‌لرینه تشکیل ائتدیی سیخ توپ هوجوملاریندا چوخ سایدا آدام یارالاندی.

ایسرائیل دؤیوش طیاره‌لرینین غزه شهرینین جنوب-شرقینده‌کی الزیتون محله‌سینه تشکیل ائتدیی هوجومدا دا ان آز ۸ فیلیسطین‌لی حیاتینی ایتیردی.

ساغلاملیق قروپلاری، غزه‌نین مرکزینده‌کی نصیرات دوشرگه‌سینده ۲ گون اول ایسرائیل دؤیوش طیاره‌لری طرفیندن بومبالانان ائولرینین داغینتیسیندان الرای عائله‌سیندن ۳ اوشاق و آنالارینین جانسیز بد‌نینی چیخاردی.

غزه‌ده‌کی ساغلاملیق ناظرلیگی، دونن وئردیگی شرحده، ایسرائیلین ۷ اکتبردان بو یانا غزه‌یه تشکیل ائتدیی هوجوملاردا ان آز ۱۵ مین ۵۱۷ی اوشاق، ۱۰ مین ۲۷۹و قادین اولماق اوزره ۳۷ مین ۴۳۱ فیلیسطینلینین اؤلدورولدویونو، ۸۵ مین ۶۵۳ فیلیسطینلینین یارالاندیغینی بیلدیرمیشدی.

داغینتی آلتیندا هله ده مینلرله اؤلو اولدوغو ایفاده ائدیلرکه‌ن، خالقین سیغیندیغی خسته خانا و تحصیل تشکیلاتلاری هدف آلیناراق مولکی یئرلر ده کورلانیر.


 


اتیکتلر: #هجوم , #غزه , #ایسرائیل

ایلگیلی‌لی خبرلر