ایسرائیل غزه‌نین شیمالینا کؤمک گئتمه‌سینه کئچید وئرمیر

بیرلشمیش میللتلر سؤزجو کؤمکچیسی فرهان حاک، گونده‌لیک مطبوعات کونفرانسیندا، غزه‌نین شیمالینا ۱-۱۸ ژوئنده پلانلانان اینسانی کؤمک عملیاتلاری حاقیندا معلومات وئردی

2154562
ایسرائیل غزه‌نین شیمالینا کؤمک گئتمه‌سینه کئچید وئرمیر


ایسرائیل، ۱-۱۸ ژوئنده غزه‌نین شیمالینا گئده‌جک ۶۱ کؤمک عملیاتیندان یالنیز ۲۸ینه کئچید وئردی.

بیرلشمیش میللتلر سؤزجو کؤمکچیسی فرهان حاک، گونده‌لیک مطبوعات کونفرانسیندا، غزه‌نین شیمالینا ۱-۱۸ ژوئنده پلانلانان اینسانی کؤمک عملیاتلاری حاقیندا معلومات وئردی.

ایسرائیللی صلاحیتلیلرین کؤمک آپارماغا ایستیقامتلی مانعلرینین سوردوگونو ایفاده ائد‌ن حاق، صلاحیتلیلرین، غزه‌نین شیمالینا گئده‌جک، داها اولدن کووردینه ائدیلمیش ۶۱ اینسانی کؤمک عملیاتیندان یالنیز ۲۸ینه کئچید وئردیگینی، ۸ینین گیریشینین مانع تؤردیلدیگینی، ۱۶ینین یاواشلادیلدیغینی و ۹ونون لغو ائدیلدیگینی قید ائتدی.

حاک "غزه‌یه ایستیقامتلی اینسانی کؤمک عملیاتلارینین آسانلاشدیریلماسی و بوتون مانعلرین قالدیریلماسی لازیمدیر" ایفاده‌سیندن ایستیفاده ائتدی.

غزه‌نین جنوبوندا یئریندن ائدیله‌ن یوز مینلرله آدامین چوخ چتین شرطلر آلتیندا موباریزه وئردیگینه ایشاره ائد‌ن حاق، سیغیناجاق، ساغلاملیق خیدمتی، غذا، سو و تمیزلیک چاتمانین ضعیف اولدوغونو ایفاده ائتدی.

سویا چاتمانین چوخ آشاغی سویه‌ده اولدوغونو و اینسانلارین دنیز سویوندان ایستیفاده ائتمک مجبوریتینده قالدیغینی وورغولایان حاق، تمیزلیک شرطلری سببیله خسته‌لیکلرین یاییلدیغینی دیله گتیردی.

حاق، بیر چوخ عائله‌نین گونده یالنیز بیر پای یئمک یئدیینی، بعضیلرینین ایسه ۲ یا دا ۳ گو‌ده بیر پای یئیه بیلدیینی سؤیله‌دی.


اتیکتلر: #غزه , #کؤمک , #ایسرائیل

ایلگیلی‌لی خبرلر