ترور یووالاری بومبالاندی
عملیاتلا چوخ ساییدا تروریست ضررسیز حالا گتیریلهرک ترور هؤرگوتونون بؤلگهدهکی وارلیغینا آغیر ضربه ائندیریلدی
![ترور یووالاری بومبالاندی](http://cdn.trt.net.tr/images/xlarge/rectangle/534f/1fd4/d8bc/6124b00275eb7.jpg?time=1719072041)
عراقین قوزئییندهکی قندیل و آسوس بؤلگهلرینه ائدیلن هاوا عملیاتیندا، چوخ ساییدا تروریست ضررسیز حالا گتیریلدی.
میللی ساوونما باخانلیغی طرفیندن وئریلن آچیقلامایا گؤره، پکاکا/کاجکا-پید/یپگ و دیگر تروریست عنصورلاری ضررسیز حالا گتیرهرک عراقین قوزئییندن تورک خالقینا و گوونلیک گوجلرینه قارشی ترور سالدیریلارینی آرادان قالدیرماق، حدود گوونلیگینی تامین ائتمک و ترورو قایناغیندا یوخ ائتمک آماجییلا بیرلشمیش میللتلر آندلاشماسینین ۵۱.جی مادهسیندن گلن مشروع مدافعه حاقلاری ایستیقامتینده، عراقین قوزئییندهکی قندیل و آسوسدا اولان و تروریستلر طرفیندن سؤزده قرارگاه اولاراق ایستیفاده ائدیلهن بؤلگهلره تورکیه ساعاتی ایله ۰۰.۳۰دا هاوا عملیاتی تشکیل ائدیلدی.
عملیاتلا، تروریستلر طرفیندن ایستیفاده ائدیلهن ۱۶ ماغارا آغیزی، ۴ سیغیناق، ۲ لوازیم آنباری یوخ ائدیلدی، چوخ ساییدا تروریست ضررسیز حالا گتیریلهرک ترور هؤرگوتونون بؤلگهدهکی وارلیغینا آغیر ضربه ائندیریلدی.
عملیات اؤنجهسینده هدفلرین دقتله سئچیلدیگی ایفاده ائدیلهن آچیقلامادا، عملیاتین پلانلاما و ایجراسیندا مولکی خالقین جان و مال گوونلیگی ایله تاریخی، دینی، مدنی وارلیقلار و چئورهنین قورونماسینا ماکسیموم دقت و حساسیت گؤستریلدیگی قید ائدیلدی.