روسیا: " پوتین‌ین تورکیه-یه سفری ایله باغلی پلان‌لاری وار"
کرملین روسیا پرزیدنتی ولادیمیر پوتین‌ین تورکیه-یه سفری اوچون پلان‌لارین حاضیرلاندیغینی آچیقلاییب.
کرملین روسیا پرزیدنتی ولادیمیر پوتین‌ین تورکیه-یه سفری اوچون پلان‌لارین حاضیرلاندیغینی آچیقلاییب.
روسیا پرزیدنتی‌نین خاریجی سیاست مسئله‌لری اوزره کؤمکچیسی یوری اوشاکوو پایتاخت مسکوادا ژورنالیست‌لره پوتین‌ین پرزیدنت رجب طیب اردوغانلا گؤروشمک پلان‌لاری ایله باغلی آچیقلاما وئریب.
پوتین‌ین می‌ین 28-ده کئچیریلن پرزیدنت سئچکی‌لرینده اردوغانین غلبه‌سیندن درحال سونرا تورکیه-یه گله‌جگی وعدینی وئردیگینی قئید ائدن اوشاکوو دئییب:
"تصدیق ائده بیلرم کی، هم تورکیه، هم ده روسیا طرفی‌نین پرزیدنتیمیزین تورکیه-یه سفری ایله باغلی پلان‌لاری وار، لاکین هله‌لیک معین تاریخ‌لر، بللی گون‌لر باره‌ده راضیلیغا گلمه‌میشیک".
ژورنالیست‌لر ایکی لیدئرین تماس‌لاریندا تاخیل سازیشی مسئله‌سی‌نین گوندمده اولوب-اولمادیغینی سوروشوب‌لار. اوشاکوو بونونلا باغلی بئله دئییب: "سفر زامانی و یا قارشی‌داکی تلفون دانیشیق‌لاری زامانی – هانسی کی، اونلار تئز-تئز تلفونلا علاقه ساخلاییرلار - تاخیل سازیشی ایله باغلی مسئله‌لرین گوندمه گلمه‌سی، حساب ائدیرم کی، تامامیله طبیعی‌دیر".
