اوکراینا: روسلار بیر آپارتمانی ووردو
"موشکین بیر آپارتمانا اصابت ائتمه‌سی نتیجه‌سینده ۶ نفر اؤلدو. داغینتی آلتیندا هله اینسانلار وار اولابیلیر"
اوکراینانین دنیپروپتروسک بؤلگه‌سی عسگری ایداره باشقانی سرگئی لیساک، روسلارین کریوی روق شهرین‌ده‌کی بیر آپارتمانی وورماسی نتیجه‌سینده ۶ نفرین اؤلدوگونو بیلدیردی.
لیساک، سوسیال مئدیا حسابین‌دان وئردیگی آچیقلامادا، روس اوردوسونون گئجه کریوی روق شهرینه موشک سالدیریسی تشکیل ائتدیگینی ایفاده ائتدی.
اوکراینا اوردوسون طرفیندن ۳ روس موشکینین وورولدوغونو بیلدیرن لیساک، بیر نئچه موشکین ایسه شهری ووردوغونو سؤیله‌دی.
لیساک،
"موشکین بیر آپارتمانا اصابت ائتمه‌سی نتیجه‌سینده ۶ نفر اؤلدو. داغینتی آلتیندا هله اینسانلار وار اولابیلیر" ایفاده‌لرینی ایشلتدی.
لیساک، شهرین باشقا بیر یئرین‌ده موشکلرین بیر ایشلتمه بیناسینی وورماسی نتیجه‌سینده ۳ نفرین یارالاندیغینی، بورادا دا ییخینتی آلتیندا قالانلار اولدوغونو قید ائتدی.
یئنه موشک اصابت ائد‌ن بیر بینادا و اتومبیل‌ده یانغین چیخدیغینی بیلدیرن لیساک، بورادا ایسه ۴ نفرین یارالاندیغی معلوماتینی پایلاشدی.
اوکراینانین باشکندی کیئوه ده هاوا سالدیریسی تشکیل ائدیلدی.
اوکراینا اوردوسو، کیئوه آتیلان موشکلرین هامیسینین هاوا ساوونما سیستملری طرفیندن انگللندیگینی آچیقلادی.
