ایسراییل آتشکس قراریندان سونرا غزه-ده بعضی نقطهلری ووروب
فیلیسطین-لی قروپلارلا الده ائدیلن آتشکسین قوهیه مینمهسیندن سونرا ایسراییل اوچاق لارینین غزه-ده بعضی نقطهلری ووردوغو بیلدیریلیب.
فیلیسطین-لی قروپلارلا الده ائدیلن آتشکسین قوهیه مینمهسیندن سونرا ایسراییل اوچاق لارینین غزه-ده بعضی نقطهلری ووردوغو بیلدیریلیب.
تل آویو رهبرلیگی ایله فیلیسطینلی قروپلار آراسیندا میصرین آرابولوجولوغو ایله ایله یئرلی واختلا ساعات 22:00-ده قوهیه مینن آتشکسه باخمایاراق، ایسراییل اوچاق لاری غزه-یه ضربه لر ائندیرمهیه داوام ائدیب.
ایسراییل اوردوسوندان وئریلن یازیلی آچیقلامادا غزه-دن آتیلان راکتلره جاواب اولاراق، ایسلامی جیهاد قروپلاشماسینا عایید هدفلرله راکت آتیجیلارینین وورولدوغو بیلدیریلیب.
ایسراییل اجتماعی یاییم تشکیلاتی (KAN) و " یدیعوت آحرونوت" قزئتی غزه-دن ایسراییل-ین گونئی سرحدیندهکی شهرلره چوخلو سایدا راکت آتیلدیغینی و خبردارلیق آژیرلرینین سسلندیگینی بیلدیریب.
قئید ائدک کی، میین 9-دان غزه زولاغینا هاوا ضربهلری ائندیرن ایسراییل ایله غزه-دهکی فیلیسطینلی قروپلار آراسیندا آخشام ساعاتلاریندا الده ائدیلن آتشکس یئرلی واختلا ساعات 22:00-دا قوهیه مینیب.
آتشکس سیویل اهالینین هدفه آلینماسینا سون قویولماسینی و سیویل یاشاییش منطقهلرینین داغیدیلماسینا سون قویولماسینی احتیوا ائدیر.