اوکراینادا ۶ آی گیزلنن روس عسگری توتوقلاندی
"توتوقلو، کوپیانسک بؤلگهسینین اوکراینا سلاحلی گوجلری طرفیندن قورتاریلماسیندان بو یانا گیزلندیگینی ادعا ائتدی"
1959416
![اوکراینادا ۶ آی گیزلنن روس عسگری توتوقلاندی](http://cdn.trt.net.tr/images/xlarge/rectangle/f4d5/1aa4/b561/64102d6fce061.jpg?time=1719010287)
اوکراینا، خارکیودهکی ترک ائدیلمیش بینالاردا تخمیناً ۶ آی بویونجا گیزلندیغی ایفاده ائدیلهن بیر روس عسگرینین توتوقلاندیغی بیلدیردی.
سؤو گئدن ۴۲ یاشینداکی عسگر، پلیس اکیپلرینین کوپیانسک-ووزلوویی بؤلگهسیندهکی کندلرده کئشیک چکدیگی سیرادا گؤزآلتینا آلیندی.
عسگرین ۲۷.جی روس مستقیل محافظلر موتورلو توفنگ توغاییندان اولدوغو آچیقلاندی.
اوکراینا پلیسینین قونویا باغلی آچیقلاماسیندا، "توتوقلو، کوپیانسک بؤلگهسینین اوکراینا سلاحلی گوجلری طرفیندن قورتاریلماسیندان بو یانا گیزلندیگینی ادعا ائتدی" ایفادهسی ایشلهدیلدی.
مولکی پالتارلا شکلی پایلاشیلان شخصین ۶ آی بویونجا نئجه گیزلندیغگی هله بیلینمیر.
۲۴ فوریهد ۲۰۲۲ده روسیا دؤولت باشقانی ولادیمیر پوتین، قوزئیدن دوغودان و گونئیدن اوکراینانی ایشغالین امرینی وئرمیش، بئلهجه روسیا-اوکراینا ساواشی باشلامیشدی.