۶۳ روس عسگری اؤلدو
"داغیتما گوجو یوکسک ۴ راکت باشلیغینین پاتلاماسی نتیجه‌سین‌ده گئچیجی قونوشلانما منطقه‌سینین بیر بؤلومونده ۶۳ روس عسگری اؤلدو"
روسیا ساوونما باخانلیغی، اوکراینا اوردوسونون موشک سالدیریلاری نتیجه‌سین‌ده ماکیئیفکا یاخینلیغین‌دا ۶۳ روس عسگرینین اؤلدوگونو آچیقلادی.
روسیا ساوونما باخانلیغی مطبوعات سؤزچوسو ایگور کوناشنکوو، اوکراینادا ۲۴- فوریه‌دن بری داوام ائد‌ن ساواشدا روسیا اوردوسونون حرکتلری ایله باغلی آچیقلاما وئردی.
اوکراینا اوردوسونون دونتسک ویلایتین‌ده‌کی ماکیئیفکا قصبه‌سی یاخینلیغین‌دا روسیا سلاحلی گوجلرینین گئچیجی مؤوضعلرین‌دن بیرینه سالدیری تشکیل ائتدیگینی بیلدیره‌ن کوناشنکوو، آمریکامالی اولان هیمارس یایلیم آتیش سیستمین‌دن آتیلان ۶ موشک‌دن ۲سینین روسیا هاوا ساوونما سیستملری طرفیندن وورولدوغونو بیلدیردی.
کوناشئنکوو،
"داغیتما گوجو یوکسک ۴ راکت باشلیغینین پاتلاماسی نتیجه‌سین‌ده گئچیجی قونوشلانما منطقه‌سینین بیر بؤلومونده ۶۳ روس عسگری اؤلدو" ایفاده‌سینی ایشلتدی.
روسیا حربی بیرلیک‌لرینین اوکراینادا عملیاتلارینی داوام ائتدیردیگینی قید ائد‌ن کوناشنکوو، روسیا حربی هاوا قوه‌لرینین یوکسک دقیقلیگه صاحیب سلاحلارلا سالدیریلاری نتیجه‌سین‌ده دونتسک ویلایتین‌ده‌کی مارکووو و کراماتورسک‌دا، خارکوو ویلایتینین نووووسینووو قصبه‌سین‌ده اوکراینا اوردوسوندا ایولان ۷۰دن چوخ خاریجی موزدلو ساوشچینین اؤلدوگونو، بۆزدن چوخ یارالینین اولدوغونو بیلدیردی.
اوکراینا سلاحلی قوه‌لرینین استراتژیک ارتباط ایداره‌سین‌دن وئریله‌ن آچیقلامادا، اوکراینانین دونتسک بؤلگه‌سینده روس اوردوسونون کنترلوندا اولان ماکیئیفکا شهرین‌ده کحربی مرکز اولاراق ایستیفاده ائدیله‌ن بؤلگه‌یه سالدیری نتیجه‌سین‌ده تخمینا ۴۰۰ نفره یاخین روس عسگرینین اؤلدورولدویو ادعا ائدیلمیشدی.
