روسیا : اینگیلتره‌نین اوکراینایا وئردیگی سلاح‌لار بیر سیرا نتیجه‌لره سبب اولا بیلر
روسیا ساوونما ناظیرلیگی اینگیلتره‌نین اوکراینایا وئردیگی سلاح‌لار روسیا اراضی‌سینده‌کی هدف‌لره هوجوم ائتمک اوچون ایستیفاده ائدیله‌جگی تقدیرده کیئو-ده‌کی قرار آلما مرکزلری‌نین وورولاجاغینی بیلدیریب.
روسیا ساوونما ناظیرلیگی اینگیلتره‌نین اوکراینایا وئردیگی سلاح‌لار روسیا اراضی‌سینده‌کی هدف‌لره هوجوم ائتمک اوچون ایستیفاده ائدیله‌جگی تقدیرده کیئو-ده‌کی قرار آلما مرکزلری‌نین وورولاجاغینی بیلدیریب.
ناظیرلیک‌دن وئریلن آچیقلامادا اینگیلتره-نین ساوونمادان سوروملو دؤولت ناظیری جیمز هیپی اوکراینایا وئریلن سلاح‌لارلا روسیا اراضی‌سینده‌کی هدف‌لره هوجوم ائتمیین "پروبلئم اولمایاجاغینی" سؤیله‌دیگی خاطیرلادیلیب.
آچیقلاماد روسیا اوردوسونون کیئو-ده کی قرار آلما مرکزلرینه اوزاق منزیل‌لی یوکسک دقیق‌لیک‌لی ایداره اولونان راکت‌لرله جاواب هوجوم‌لاری ائتمه‌یه 24 ساعات حاضیر اولدوغو بیلدیریلیب:
"لندونون کیئو رژیمینی بو جور حرکت‌لره بیرباشا تحریک ائتمه‌سی‌نین، جهدین (روسیا تورپاق‌لارینا هوجوم) حیاتا کئچیریلمه‌سی حالیندا بیزیم درحال متناسیب رئاکسیامیزا سبب اولاجاغینی وورغولاماق ایستییریک. کیئو‌ده کی اوکراینایا عایید قرار آلما مرکزلرینده باتی اؤلکه‌لردن هر هانسی بیری‌نین وطنداشی اولان مشاویرلرین اولماسی روسیانین جاوابی ایله باغلی قراریندا پروبلئم تشکیل ائتمه‌یه‌جک‌دیر".
