زلنسکی: "دونتسک و لوگانسک بؤلگهلرینی یئر اوزوندن سیلمک ایستییرلر"
اوکراینا پرزیدنتی زلنسکی سون 4 گونده روسیانین خارکووو بومبالاماسی نتیجهسینده 18 نفرین اؤلدوگونو، 100-دن چوخ اینسانین یارالاندیغینی آچیقلاییب.
اوکراینا پرزیدنتی زلنسکی سون 4 گونده روسیانین خارکووو بومبالاماسی نتیجهسینده 18 نفرین اؤلدوگونو، 100-دن چوخ اینسانین یارالاندیغینی آچیقلاییب.
اوکراینا پرزیدنتی زلنسکی سون 4 گونده روسیانین خارکووو بومبالاماسی نتیجهسینده 18 نفرین اؤلدوگونو، 100-دن چوخ اینسانین یارالاندیغینی آچیقلاییب. "اونلار هم ده دونتسک و لوگانسک بؤلگهلرینی یئر اوزوندن سیلمک ایستییرلر"، - زلنسکی بیلدیریب.
اوکراینا پرزیدنتی ولادیمیر زلنسکی 53-جو گونونده روسیا-اوکراینا محاربهسینی دیرلندیررکن، "دونیا اوکراینانین گونئی یندهکی خرسون و زاپوروژیه بؤلگهلرینده ایشغالچیلارین حرکتلرینه رئاکسیا وئرمهلیدیر" دئییب.
روسیا اوردوسونون ایشگنجه اوتاقلاری قوردوغونو ادعا ائدن زلنسکی "بلدیه باشچیلاریمیز و تانینمیش درنگ رهبرلریمیز قاچیریلیر. معلملر شانتاژ ائدیلیر. امکلیلیک معاش لاری اللریندن آلینیر. اینسانی یاردیملار اوغورلانیر. اینسانلار آجلیغا محکوم ائدیلیر" دئییب.
روسیا اوردوسونون اؤلکهنین دوغوسوندا هوجوما حاضیرلاشدیغینا دقت چکن زلنسکی "اونلار ماریوپلو محو ائتمهیه داوام ائدرکن، سؤزون اصل معناسیندا، دونباسی دا محو ائتمک ایستییرلر. دونتسک و لوگانسک بؤلگهلرینی ده یئر اوزوندن سیلمک ایستییرلر" دئییب.
زلنسکی داواملی بومباردمان آلتیندا اولان خارکوو شهرینده سون 4 گونده 18 نفرین اؤلدوگونو، 106 نفرین یارالاندیغینی بیلدیریب.
روسیا اوردوسونون هوجوملارینی "شعورلو ترور" کیمی قیمتلندیرن زلنسکی "طبیعی کی، روسیادان نفت تداروکونه یونه لیک تحریم احتیاجی گونو-گوندن آرتیر. آرتیق آوروپادا و امریکا-دا هر کس روسیانین آچیق شکیلده باتی توپلوملاریندا ثابتلیگی پوزماغا جهد ائتدیگینی گؤرمهیه باشلادی" دئییب.
زلنسکی همچنین سوسیال مئدیا حسابیندا اولوسلار آراسی پول فوندونون رهبری ایله گؤروشدوگونو و اوکراینانین مالیه ثابتلیگی و محاربهدن سونراکی برپاسی مسئلهلرینی موذاکیره ائتدیگینی بیلدیریب.