تورک قیزیلآیی افغانیستانا یاردیم آپاردی
تورکیهدن یولا دوشن، ارزاق و انسانی یاردیم داشییان "یاخشیلیق قاتاری"نین دا افغانیستانا چاتماسی گؤزلهنیلیر
![تورک قیزیلآیی افغانیستانا یاردیم آپاردی](http://cdn.trt.net.tr/images/xlarge/rectangle/911b/e12d/3d71/612a1a82a9430.jpg?time=1719038138)
افغانیستاندا باش وئرهن انسانلیق فاجعهسینه دویارسیز قالمایان تورکیهنین، احتیاجی اولانلارا دستگینی داوام ائتدیریر.
تورک قیزیلآی باشقانی کرم قینیق و یانینداکی هئیت، افغانیستانین باشکندی کابلدا تشکیل ائدیلن یاردیم پروگرامینا قاتیلدی. ۱۰۰ عائلهیه ارزاق، کیمسهسیز اوشاقلارا قیش گئییملری پایلانیلدی.
تورکیهدن یولا دوشن، ارزاق و انسانی یاردیم داشییان "یاخشیلیق قاتاری"نین دا افغانیستانا چاتماسی گؤزلهنیلیر.
یاشقان قینیق ترت خبره آچیقلاماسیندا بونلاری سؤیلهدی:
"گلن هفته یاخشیلیق قاتاریمیز گلیر. تخمیناً ۸۰۰ تن ارزاق، انسانی یاردیم و ساغلیق لوازیمی داشیییر. تورکیهدهکی ۱۱ مدنی قوروم و آفاد (آفت و عاجل دوروم یؤنتیمی باشقانلیغی) ایش بیرلیگی ایله گتیردییمیز قاتارداکی یاردیملاری افغانیستان قیزیلآیی کانالی ایله افغانیستانداکی ۳۴ ولایته پایلایاجاغیق.