عراق-دا پارتلاییجی ماده‌لر سببیندن کئچن ایل 52 اوشاق حیاتینی ایتیریب

عراق-دا ساواش قالیق‌لاری سلاح- مهمات سببیندن کئچن ایل 52 اوشاغین حیاتینی ایتیردیگی، 73 اوشاغین ایسه علیل اولدوغو بیلدیریلیب.

بیرلشمیش میللت‌لر تشکیلاتی‌نین اوشاق فوندونون (یونیسف) عراق نوماینده‌لیگی ساواشدان قالان مهمات لارین اوشاق‌لارا تأثیری ایله باغلی بیانات یاییب.

بیاناتدا 2021-جی ایلده ساواشدان قالان پارتلاییجی ماده‌لر سببیندن 52 اوشاغین حیاتینی ایتیردیگی، 73 اوشاغین ایسه علیل اولدوغو بیلدیریلیب.

ساواش قالیق‌لاری‌نین آرتان تأثیری‌نین آزالدیلماسی اوچون داها گوجلو سعی‌لره احتیاج اولدوغونو بیل‌دیره‌رک، عراق-دا ساواش قالیق‌لاری سببیندن اوشاق‌لار آراسیندا اؤلوم و علیل‌لیک حال‌لاری‌نین 2020-جی ایله موقاییسه‌ده 67 فایز آرتدیغی قئید ائدیلیب.