ایران-دا گونده کروناویروسا یولوخانلارین سایی 9،5 مینه یاخینلاشیب
بونو ایرانین ساغلیق، معالیجه و طبی تحصیل ناظیرلیگینین سؤزچوسو سیما سادات لاری دئییب.
![ایران-دا گونده کروناویروسا یولوخانلارین سایی 9،5 مینه یاخینلاشیب](http://cdn.trt.net.tr/images/xlarge/rectangle/7a85/94bf/70e2/5fa68d90d1912.jpg?time=1719007226)
ایران-دا اؤتن گون عرضینده 9،45 مین نفر کروناویروسا (کووید 19) یولوخوب.
بونو ایرانین ساغلیق، معالیجه و طبی تحصیل ناظیرلیگینین سؤزچوسو سیما سادات لاری دئییب. اونون سؤزلرینه گؤره، بونونلا دا ایران-دا بو ویروسا یولوخانلارین سایی 673 مین 250 نفره یوکسلیب. ویروس داشیییجیلاریندان 5 مین 506 نفرین وضعیتی آغیردیر.
ناظیرلیک رسمیسی دئییب کی، ایران-دا اؤتن 24 ساعات عرضینده 423 نفر کروناویروسدان اؤلوب. بئلهلیکله، ایران-دا بو ویروسدان اؤلنلرین سایی 37 مین 832 نفره چاتیب.
ایران-دا ایندییهدک 515 مین 153 نفر کروناویروسدان ساغالیب.
سادات لاری قئید ائدیب کی، ایرانین تهران، اصفهان، قم، دوغو آذربایجان، گونئی خوراسان، سمنان، قزوین، لرستان، اردبیل، خوزستان، کرمانشاه، کهگیلویه و بویر احمد ، گیلان، بوشهر، زنجان، ایلام، رضوی خوراسانی، مازنداران، چهار محال و بختیاری، البرز، باتی آذربایجان، مرکزی، کرمان، قوزیی خوراسان، همدان، یزد و کوردوستان ویلایتلری قیرمیزی زونالار حساب اولونور.
ایندییهدک 5،18 میلیوندان چوخ تشخیص تستی حیاتا کئچیریلیب.