ایران-دا کروناویروسدان اؤلنلرین سایی 37 مینه چاتیر
بونو ایرانین ساغلیق، معالیجه و طبی تحصیل ناظیرلیگینین سؤزچوسو سیما سادات لاری دئییب.
![ایران-دا کروناویروسدان اؤلنلرین سایی 37 مینه چاتیر](http://cdn.trt.net.tr/images/xlarge/rectangle/54b9/20c6/65b8/5f6aef3723d41.jpg?time=1719006922)
ایران-دا اؤتن گون عرضینده 8 مین 772 نفر کروناویروسا (کووید-19) یولوخوب.
بونو ایرانین ساغلیق، معالیجه و طبی تحصیل ناظیرلیگینین سؤزچوسو سیما سادات لاری دئییب.
سیما سادات لارینین سؤزلرینه گؤره، بونونلا دا ایران-دا بو ویروسا یولوخانلارین سایی 654 مین 936 نفره چاتیب. ویروس داشیییجیلاریندان 5 مین 472 نفرین وضعیتی آغیردیر.
ناظیرلیک رسمیسی دئییب کی، ایران-دا اؤتن 24 ساعات عرضینده 406 نفر کروناویروسدان اؤلوب. بئلهلیکله ایران-دا بو ویروسدان اؤلنلرین سایی 36 مین 985 نفره یوکسلیب.
سادات لاری علاوه ائدیب کی، ایران-دا ایندییهدک 505 مین 287 نفر کروناویروسدان ساغالیب.
سادات لاری قئید ائدیب کی، ایرانین تهران، اصفهان، قم، دوغو آذربایجان، گونئی خوراسان، سمنان، قزوین، لرستان، اردبیل، خوزستان، کرمانشاه، کهگیلویه و بویر احمد ، گیلان، بوشهر، زنجان، ایلام، رضوی خوراسانی، مازنداران، چهار محال و بختیاری، البرز، باتی آذربایجان، مرکزی، کرمان، قوزیی خوراسان، همدان، یزد و کوردوستان ویلایتلری قیرمیزی زونالار حساب اولونور.
ایران-دا ایندییهدک 5،11 میلیوندان چوخ تشخیص تستی حیاتا کئچیریلیب.