ایران-دا کروناویروس‌دان اؤلن‌لرین سایی 16 مینی کئچدی

ایران-دا اؤتن گون عرضینده داها 235 نفرین کروناویروس‌دان (کووید-19) اؤلمه‌سی ایله بو ویروس‌دان اؤلن‌لرین سایی 16 مین 147 نفره یوکسلیب.

بونو ایرانین ساغلیق ناظیرلیگی‌نین سؤزچوسو سیما سادات لاری دئییب.

سیما سادات لاری‌نین سؤزلرینه گؤره، اؤتن 24 ساعات عرضینده داها 2 مین 667 نفر کروناویروسا یولوخوب. بئله‌لیکله بو ویروسا یولوخان‌لارین سایی 296 مین 273 نفره چاتیب. ویروس داشیییجیلاریندان‌ 3 مین 902 نفرین وضعیتی آغیردیر.

سادات لاری علاوه ائدیب کی، ایندییه‌دک 257 مین 019 نفر کروناویروس‌دان ساغالیب.

سادات لاری بیلدیریب کی، تهران، مازنداران، گولوستان، فارس، دوغو آذربایجان، اردبیل، اصفهان، البرز، ایلام، رضوی خوراسانی، کرمان، قوزیی خوراسان، سمنان، لرستان و هرمزگان ویلایت‌لری قیرمیزی زونا‌لاردیر.

ایران-دا ایندییه‌دک 2،38 میلیون‌دان چوخ تشخیص تستی حیاتا کئچیریلیب.