ترورچولار سوریه میللی اوردوسونا هوجوم ائتدی: 3 عسگر شهید اولدو، 18 عسگر یارالاندی

ترور تشکیلاتی ی.پ.گ/پ.کا.کا منسوبو ترورچولارین "باریش چشمه‌سی" حرکاتیندا ایشتیراک ائدن سوریه میللی اردوسو عسگرلرینه تشکیل ائتدیگی بومبا‌لی انتحار هوجومو نتیجه‌سینده 3 عسگر شهید اولوب، 18 عسگر یارالانیب.

تورکیه ایله امریکا آراسیندا الده اولونان و ترورچولارین 120 ساعاتدا بؤلگه‌دن چیخماسی مقصدیله حرکاتا فاصیله وئریلمه‌سینی نظرده توتان راضیلاشما اساس‌لاری ی.پ.گ/پ.کا.کا طرفیندن پوزولور.

ترورچولار تورکیه-‌نین شانلی اورفا ویلایتی‌نین آکچاکاله قصبه‌سی‌نین قارشی‌سینداکی سوریه اراضی‌لرینده یئرلشن تل ابیض چؤلونده جبهه خطینده کی موضع لرینی قورویان سوریه میللی اردوسو عسگرلرینه مینالانمیش ماشینلا هوجوم ائدیب.

هوجوم نتیجه‌سینده سوریه میللی اردوسوندان 3 عسگر شهید اولوب، 10 عسگر خسارات آلیب.

جیلان پینار قصبه‌سی‌نین قارشی‌سینداکی سوریه تورپاق‌لاریندا یئرلشن راسولایندا دا تهلوکه‌سیزلیگی تامین ائتمک مقصدیله آختاریش فعالیت‌لرینی داوام ائتدیرن سوریه میللی اردوسو عسگرلریندن 8-ی ده الده قاییرما بومبانین پارتلادیلماسی نتیجه‌سینده یارالانیب.

اوکتبرین 9-دا باش‌لانان "باریش چشمه‌سی" (باریش پیناری) عملیاتیندا ایشتیراک ائدن سوریه میللی اردوسوندان ایندیدک 84 عسگر شهید اولوب، 310 عسگر یارالانیب.

سوریه میللی اردوسو عسگرلری‌نین حرکات زامانی ترورچولاردان تمیزلنن یاشاییش منطقه‌لری و یول‌لارداکی آختاریش-قورتارما فعالیت‌لری داوام ائدیر.