ایران یئنی موشک سینادی
"ایراندان موشک آتیلدیغینی بیلیریک آنجاق حاضردا داها چوخ یوروم یوخ"
![ایران یئنی موشک سینادی](http://cdn.trt.net.tr/images/xlarge/rectangle/6737/ecd1/553d/5d3aa8cb0f999.jpg?time=1719185179)
ایرانین اورتا منزیللی بالیستیک موشک سیناغی ائتدیگی بیلدیریلدی.
آمریکانین سیانان تلویزیونونون آمریکا بیرلشمیش دؤولتلری ساوونما باخانلیغیندان (پنتاگون) اوست سویه بیر مقاما دایاندیردیغی خبره گؤره، ایران دونن اؤلکهنین گونئیینده اورتا منزیللی بالیستیک موشک سیناغی حیاتا گئچیردی.
تخمیناً مین ۳۰۰ کیلومتر منزیله صاحب شهاب-۳ موشکینین اؤلکهنین گونئییندن آتیلدیغی و ۹۶۵ کیلومتر یول گئدرک باشکند تهران یاخینلیغیندا چؤله دوشدویو قید اولوندو.
سؤزوگئدن مقام، شهاب-۳ موشکینین آمریکا مرکزلرینه تهدید یاراتمادیغینی آنجاق ایرانین بو جور سیناقلارلا بالیستیک موشکلرینین منزیلینی و اصابت درجهلرینی آرتیرماغی آماجلادیغینی سؤزلرینه علاوه ائتدی.
دیگر طرفدن، آمریکانین فوکس نیوز تلویزیونونا دانیشان و آدینین آچیقلانماسینی ایستهمهیهن آمریکالی اوست سویه بیر یئتکیلی ده
"ایراندان موشک آتیلدیغینی بیلیریک آنجاق حاضردا داها چوخ یوروم یوخ" ایفادهلرینی ایشلتدی.
ایراندان ایسه قونو ایله باغلی آچیقلاما وئریلمهدی.