افغانیستان ایچ دیالوق کونفرانسی سمرقندده کئچیریله‌جک
افغان مسئول‌لاری ایله طالبان نماینده‌لری‌نین قاتیلاجاغی افغانیستان ایچ دیالوق کونفرانسینین نؤوبتی ایجلاسی، اؤزبکیستانین تاریخی سمرقند شهرینده کئچیریله‌جک
افغان مسئول‌لاری ایله طالبان نماینده‌لری‌نین قاتیلاجاغی افغانیستان ایچ دیالوق کونفرانسینین نؤوبتی ایجلاسی، اؤزبکیستانین تاریخی سمرقند شهرینده کئچیریله‌جک.
اؤتن هفته‌ده قطرین باشکندی دوحه‌ده کئچیریلن "افغانیستان ایچ دیالوق کونفرانسینین" آدی آچیقلانمایان بیر قاتیلیمچی‌نین افغانیستانین " "1TV News تلویزیونونا وئردیگی و اؤزبک مطبوعاتیندا دا یئر آلان آچیقلاماسینا گؤره، کونفرانسین نؤوبتی ایجلاسی اوچ و یا دؤرد هفته سونرا سمرقندده کئچیریله‌جک.
اؤزبکیستان خاریجی ایشلر ناظیرلیگین‌دن هله‌لیک مسئله‌یه دایر آچیقلاما گلمه‌ینجه، خبرلرده، خاریجی ایشلر ناظیری عبدالعزیز کامیلوو ایله افغانیستانین یئنی تعیین اولونان داشکند سفیری احمد خالید علمیه آراسیندا بوگونکو گؤروشمه‌ده، طرف‌لر آراسیندا کئچیریله‌جک بیرگه تدبیرلر و گونده‌لیک مسئله‌لری‌نین موذاکیره اولوندوغو بیلدیریلیب.
افغانیستان‌دان مسئول‌لاری و طالبان نماینده‌لری‌نین ایشتیراکی ایله ژوئیه‌نین 7-8-ده دوحه‌ده "افغانیستان ایچ دیالوق کونفرانسی" کئچیرمیشدی.
کونفرانس‌دان سونرا طرف‌لر سیویل اؤلوم‌لرینی آزالتماق، ائله‌جه ده مکتب، خسته‌خانا، بازار یئرلری و دیگر میللته آچیق یئرلرین امنیتینی تامین ائتمک اوچون تلاش گؤسترمه موضوعسوندا راضیلاشمیشدی.
اؤزبکیستان خاریجی ایشلر ناظیرلیگی طرفین‌دن کونفرانسین آردین‌دان ائدیلن آچیقلامادا، افغانیستاندا باریشین تام برقرار اولماسینا یؤنه‌لیک اؤزبکیستانین تلاشلاری بون‌دان سونرا دا داوام ائتدیرمه‌یه حاضیر اولدوغو قئید ائدیلمیشدی.
ایلگیلی‌لی خبرلر
یونانین مودافیعه ناظیری: تورکیه گمی‌قاییرماچیلیق ساحه‌سینده ایرلیده
نیکوس دندیاس یونان حربی دنیز قووه‌لرینین ایقتصادی بؤحران دؤورونده گئری قالدیغینی بیلدیریب
