افغانیستان پرزیدنتی غنی، خلیلزاد ایله گؤروشدو
افغانیستاندا آمریکانین اؤزل نماینده‌سی زلمای خلیلزاد افغانیستاندا باریش دانیشیق‌لاریندا ایرلیه‌لییش الده ائدیلدیغینی دویوردو
افغانیستاندا آمریکانین اؤزل نماینده‌سی زلمای خلیلزاد افغانیستاندا باریش دانیشیق‌لاریندا ایرلیه‌لییش الده ائدیلدیغینی دویوردو.
افغانیستان پرزیدنتی اشرف غنی آمریکانین افغانیستان‌داکی اؤزل نماینده‌سی زلمای خلیلزاد ایله کابیل‌دکی پرزیدنت ساراییندا گؤروشوب.
ایکیلی گؤروشمه گله‌جکده باریش دانیشیق‌لاری ایله ایزلنیله‌جک یول پلانی موذاکیره ائتدی.
افغانیستاندا آمریکا اؤزل نماینده‌سی خالیلزاد، اجتماعی مئدیا حسابین‌دان ائدیلن آچیقلامادا، باریش دانیشیق‌لاریندا ایرلیلییش اولدوغونو سؤیله‌دی.
خلیلزاد، طالیبانین افغان مسئوللاریلا بیرباشا دانیشیق‌لارا حاضیر اولماسی لازیم اولدوغونو سؤیله‌دی.
دیگر طرف‌دن، افغانیستان پرزیدنتی امنیت موشاویری حمدالله محب، زلمای خلیلزادین طالبانلا باریش دانیشیق‌لارینی باشارامادیغینی سؤیله‌دی.
محب، اؤزل بیر تلویزیون کانالییلا ائتدیگی آچیقلامادا، طالبانین اومورقاسینی 4 آی ایچری‌سینده قیریلاجاغینی سؤیله‌دی.
طالبانین باریش دانیشیق‌لاری اوچون دیگر اؤلکه‌لره گئتمه‌سی اوچون پول اولمادیغینی سؤیله‌ین محب، طالیبانین گئتدیگی مدتده سونا چاتاجاغینی وورغولادی.
آمریکا و طالبان آراسیندا داوام ائدن باریش دانیشیق‌لاری‌نین افغانیستان امنیت گوجلرینه منفی تأثیر گؤستردیگینی ایفاده ائدن محب، باریش موضوعسونون چوخ چتین اولدوغونو سؤزلرینه علاوه ائتدی.
اؤنوموزدکی گون‌لرده طالبان مسئوللاری ایله قطرده گؤروشمه‌سی گؤزلنیلیر.
افغانیستان پرزیدنتی اشرف غنی باشچی‌لیق ائتدیگی حکومت اوچون ان بؤیوک تهلوکه اولان طالبان، هله ده اؤلکه‌نین بیر چوخ یئرلرینده حاکمیتینی قورویور.
طالبان نظارتینده اولان اؤلکه جیدی امنیت مسئله‌لری ایله اوزلشیر.
حکومتین کئچمیش ایللرده طالبانلا بیر چوخ دفعه باریش دانیشیق‌لاری‌نین تشکیلی و بو چرچیوه‌ده باریش شوراسی‌نین قورولماسی تلاشلارینا باخمایا‌راق هله نتیجه الده ائدیلمه‌ییب.
اوّلکی پرزیدنت حامد کرزی دؤورونده، افغانیستان رهبرلیگی ایله طالبان آراسیندا تماس‌لارین 2013-جی ایلین ژوئن آییندا قطرین باشکندی دوحه‌ده کئچیریلمه‌سی پلانلاشدیریلیردی، آنجاق افغان حکومتی طالبانین "افغانیستان ایسلام امیرلیگی" و بایراغینی آسدیق‌دان سونرا دانیشیق‌لارینی ترک ائتدی.
