روحانی‌نین اؤزل مسئولیت‌لر ایستگینه موحافیظه‌کارلاردان جواب
ایران‌دا موحافیظه‌کار قانادا سیاستچی‌لری آمریکانین (ایران) "ایقتیصادی ساواش" سیاستینه قارشی "اؤزل مسئولیت‌لر" طلب ائدن پرزیدنت روحانی‌یه اعتراض ائتدی
ایران‌دا موحافیظه‌کار قانادا سیاستچی‌لری آمریکانین (ایران) "ایقتیصادی ساواش" سیاستینه قارشی "اؤزل مسئولیت‌لر" طلب ائدن پرزیدنت روحانی‌یه اعتراض ائتدی.
ایرانین یاری رسمی خبر آژآنسی فارسا دانیشان موحافیظه‌کار قانادین آپاریجی خادیم‌لرین‌دن حسین نقوی حسینی،
"روحانی‌نین سؤزلری قریبه‌دیر، چونکی پرزیدنتین بؤیوک اینقیلابین لیدری (ایران لیدری آیت الله علی خامنه‌ای) دان سونرا آنایاسادا ان یوکسک نفوذا مالیک‌دیر." دئدی.
حسینی، نوکلئر راضیلاشماسی‌نین چتینلشدیگینی و میللی پولون دگرینی ایتیردیگینی خاطیرلاتدی.
"نه اوچون روحانی بو پروبلم‌لری اؤز مسئولیت‌لری ایله حلّ ائده بیلمیر؟ بئله کی، پرزیدنتین اؤزل مسئولیت پروبلم‌لری حا ائتمک اوچون دئییل، پروبلم‌لردن قاچینماقلا قیمتلندیریله‌بیلیر." دئیه دانیشدی.
ایرانین نفوذلو و کؤک‌لو سیاسی پارتیلریندن اولان ایسلامی کوالیسیون پارتیسی‌نین (حزب موتلیفه ایسلامی) مرکزی شوراسی‌نین رهبری مصطفی میرسلیمی روحانی‌نین بیانات‌لارینی تنقید ائتدی.
میرسلیمی بیلدیریب کی، پرزیدنت مسئولیت‌لری کیفایت ائدر،
"اگر مسئولیت‌لر آز اولسا، روحانی ایکینجی دؤورده پرزیدنت‌لیگه نامیزد اولمایا‌جاقدی." ایفاده‌لرین ایستیفاده ائتدی.
مجلیس باشقانلیق هئیتی عضوو اسد الله عباسی، پرزیدنت روحانی اؤلکه‌دکی پروبلم‌لرین مسئولیتی قونوسوندا حساب وئرمک یئرینه اؤزل ایستک‌لرینی دیله گتیردی.
چرشنبه آخشامی ائتدیگی چیخیشیندا ایران پرزیدنتی روحانی، آمریکانین اؤلکه‌سینه قارشی "ایقتیصادی ساواش" باشلاتدیغینی و موباریزنی ایداره ائتدیگی حکومت اوچون اؤزل مسئولیت‌لر ایسته‌دی.
