بیر عائلهدن ۳ نفر سئلده بوغولدو
۲ قادین و ۱ اوشاغین ایسه جانسیز بدنلری تاپیلدی
1178063
![بیر عائلهدن ۳ نفر سئلده بوغولدو](http://cdn.trt.net.tr/images/xlarge/rectangle/85ed/9f67/3119/5ca83f220285d.jpg?time=1719049379)
ایرانین فارس ایالتینه باغلی شیراز شهرینده، چای کناریندا پیک نیکه گئدن بیر عائلهدن ۳ نفر، چای سولارینین قالخماسی نتیجهسینده بوغولاراق حیاتینی ایتیردی.
ایران دؤولت مئدیاسینین خبرینه گؤره، سون دؤورده یاغان شدتلی یاغیشلار سببی ایله شیرازا باغلی کوهمره سرخی بؤلگهسیندهکی چای سولاری یوکسلدی. بو سیرادا اورادا پیکنیک ائتمکده اولان ۵ نفرلیک بیر عائله سولارا دوشدو.
بؤلگهیه گلن قورتارما اکیبلری ۲ نفری چایدان ساغ اولاراق چیخارارکن، ۲ قادین و ۱ اوشاغین ایسه جانسیز بدنلری تاپیلدی.
ایرانین ۲۵ ایالتینده یاغان شدتلی یاغیشلار سببی ایله میدانا گلن سئل فلاکتی اؤلکهده بؤیوک زیانا و جان ایتکیلرینه یول آچمیشدی.