ظریف: ایکی اۆزلولوگونو اورتایا قویدو
"بیزیم اوچون دائم آشکار اولان دونیا اوچون ده گوندن گونه داها بلیرگین حالا گلیر"
ایران خاریجی ایشلر باخانی محمد جواد ظریف، آمریکا بیرلشمیش ایالتلرینین واشیگتون پست قزئتینین یازاری سودییه ژورنالیست جمال قاشیق‌چی جنایتین‌ده‌کی توتومو و سعودی عربیستانا نوکلئر تکنولوژی ترانسفرینین بو اؤلکه‌نین ایکی اۆزلولوگونو اورتایا قویدوغونو سؤیله‌دی.
ظریف، تویتر حسابین‌دان وئردیگی آچیقلامادا، آمریکا بیرلشمیش ایالتلری رهبرلیگینین سعودی عربیستانا نوکلئر تکنولوژی ساتماق پلانینا تپکی گؤستردی.
آمریکا بیرلشمیش ایالتلرینی ایکی اۆزلوله سوچلایان ظریف،
"بیزیم اوچون دائم آشکار اولان دونیا اوچون ده گوندن گونه داها بلیرگین حالا گلیر. نه اینسان حاقلاری، نه ده نوکلئر پروگرام آمریکا بیرلشمیش ایالتلرینین حقیقی قایغیسی ایدی. اول جسدی پارچالانمیش ژورنالیست، ایندی ده نوکلئر تکنولوژینین سعودی عربیستانا یاسادیشی ساتیشی آمریکا بیرلشمیش ایالتلرینین ایکی اۆزلولوگونو اورتایا سریر" ایفاده‌لرینی ایشلتدی.
آمریکا بیرلشمیش ایالتلری پرزیدنتی دونالد ترامپ، نوکلئر گوج گلیشدیریجیسی شیرکتلرله ۱۲ فوریه‌ده ائتدیگی توپلانتیدا، سعودی عربیستانا نوکلئر تکنولوژی ترانسفری ائدیلمه‌سینی دانیشمیشدی.
آمریکا بیرلشمیش ایالتلری نماینده‌لر مجلسی ایسه آمریکا بیرلشمیش ایالتلرینین سعودی عربیستانا "سون درجه حساس نوکلئر تکنولوژی ترانسفری گرچکلشدیرمک" پلانی ایله باغلی سوروشدورما باشلادمیشدی.
نماینده‌لر مجلسی نظارت کمیته‌سینین حاضیرلادیغی راپور‌دا، آغ ائوین سعودییه عربیستانین مختلیف بؤلگه‌لرینه یئرلشدیریله‌جک نوکلئر رآکتورلارین بؤلگه‌ده‌کی دنگه‌لری پوزابیله‌جگی، عینی زامان‌دا نوکلئر سیلاحلانمانی آرتیرماغی تشویق ائدجگی اویاریلاری یئر آلمیشدی.
