ایران: آوروپا بیرلیگی ایله قوردوق‌لاری مالی مکانیزم بیر آن اوّل باشلامالی
قاسمی، خاریجی ایشلر ناظیرلیگی بیناسیندا کئچیردیگی مطبوعات کونفرانسیندا گوندم‌دکی موضوعلارا دایر بیانات‌لار وئردی
ایران خاریجی ایشلر ناظیرلیگی سؤزچوسو بهرام قاسمی، فرانسا، بؤیوک بریتانیا و آلمانیانین اولکه‌سی ایله تیجارتی داوام ائتدیره‌بیلمک اوچون قوردوق‌لاری مالی مکانیزمی بیر آن اوّل حیاتا کئچیرمه‌لری لازیم اولدوغونو سؤیله‌دی.
قاسمی، خاریجی ایشلر ناظیرلیگی بیناسیندا کئچیردیگی مطبوعات کونفرانسیندا گوندم‌دکی موضوعلارا دایر بیانات‌لار وئردی.
آمریکا‌نین تحریم نشری‌نین داوام ائتدیگینی و واشینگتونون موختلیف سبب‌لرله خصوصیله آوروپا بیرلیگی اؤلکه‌لری‌نین ایران ایله امکداش‌لیق ائتمه‌سینه قارشی اولدوغونو بیل‌دیرن قاسمی، بؤیوک بریتانیا، فرانسا و آلمانیا‌دان دا تکجه مالیه مکانیزم مسئله‌سینده قرارلی اولدوق‌لاری یؤنونده بیانات‌لار وئردیگینی دیله گتیردی.
بو آنا قدر مالی کانالین یارادیلماسی خاریجینده هر هانسی بیر حادثه‌نین شاهیدی اولمادیق‌لارینا ایشاره ائدن قاسمی، آوروپا بیرلیگیندن گؤزلنتی‌لری‌نین مکانیزمی‌نین حیاتا کئچیریلمه‌سی اولدوغونو ایفاده ائتدی.
آوروپا بیرلیگی ایله سایسی چوخالدیلمیش دانیشیق‌لارا داوام ائده‌جک‌لرینی بیل‌دیرن قاسمی،
" آوروپانین دا قبول ائتمه‌سی لازیم‌دیر کی، بو جور ایش بیرلیک‌لرینده داها تأثیرلی آددیم‌لار آتیلما‌لی‌دیر. آوروپا بیرلیگینه ایران خالقی و حکومتی‌نین صبری‌نین بیر حدی اولدوغونو آچیق شکیلده بیلدیرمیشیک. بو مسئله‌نی سرعت‌لی بیر شکیلده ایره‌لی بیر نقطه‌یه داشیما‌لاری لازیم‌دیر." دئیه دانیشدی.
قاسمی، مالی مکانیزم INSTEX-ین مالی ایش وظیفه گوجو (FATF) ایله ماراغی‌نین اولمادیغینی ساووناراق،
" بیزه شرط قویولاماز. ایران شرط قبول ائده‌جک بیر اؤلکه دئییل." ایفاده‌سینی ایستیفاده ائتدی.
ایرانین جنوب-شرقین‌دکی سیستان-بلوچیستان ایالتینده 27 عسگرین اؤلومونه سبب اولان اینتیحار سالدیریسی ایله علاقه‌دار اولاراق دا پاکیستانی تنقید ائدن قاسمی،
" پاکیستان اوردوسونون، اؤز اراضی‌لرین‌دن ایرانا قارشی حیاتا کئچیریلن ترور سالدیری‌لارینی مانع اولماماسی بیزیم اوچون قبول ائدیلمز." دئدی.
پاکیستانین سعودی عربیستانی رهبرلیگی آلتین‌داکی بؤلگه‌سل کوالیسیون ایله ایرانا قارشی حرکت ائتدیگی باره‌ده ادعا‌لارلا باغلی بیر سوال اوزرینه ده قاسمی،
" پاکیستانین بؤلگه‌دکی ایران علیهینه کوالیسیونا داخیل اولماقلا باغلی ایندی دانیشماق ایستمیرم. آنجاق پاکیستان ایله سرحدیمیزین دوستلوق و باریش سرحدی اولماسینی گؤزلییردیک. پاکیستان حکومتی‌نین بیر داها بئله حادثه‌لرله اوزلشممییمیزی آرزو ائتمه‌سینی و بونو پراکتیک‌ده گؤسترمه‌سینی آرزو ائدیریک." آچیقلاماسی ائتدی.
قاسمی، سعودی عربیستانی‌نین ولیعهد شاهزاده محمد بن سلمان پاکیستان سفری ایله باغلی ایسه،
" اولکه‌لرین علاقه‌لری اؤزلری باغلی‌دیر. آنجاق دوست‌لاریمیز و قونشولاریمیز، بعضی‌لری‌نین ایران ایله علاقه‌لرینی تأثیر گؤسترمک اوچون یاراتدیغی شیطانی پلان‌لارا قارشی دقت‌لی اولما‌لی‌دیر." قیمتلندیرمه‌سینده اولوب.
سعودیه عربیستانی‌نین ولیعهد شاهزاده محمد بن سالمان، آسیا تورو چرچیوه‌سینده ایکی گونلوک سفر اوچون دونن پاکیستانا گئتمیشدی.
