طالبان: آمریکا سؤز وئردی
آمریکادان ادعایلا باغلی هله بیر آچیقلاما وئریلمهدی
![طالبان: آمریکا سؤز وئردی](http://cdn.trt.net.tr/images/xlarge/rectangle/cf2c/56bb/e90b/5946227578067.jpg?time=1719030931)
طالبان، آمریکا بیرلشمیش ایالتلرینین افغانیستاندا اولان حربچیلرینین یاریسینی آوریل آییندا گئری چکمه سؤزو وئردیگینی بیلدیردی.
روس خبر آژانسی ریانین بیلدیردیگینه گؤره، طالبان یئتکیلیلری، گئچهن آی آپاریلان دانیشیقلاردا آمریکانین آوریل آییندا افغانیستانداکی عسگرلرینین یاریسینی چکمه سؤزو وئردیگینی ایرلی سوردو.
آمریکادان ادعایلا باغلی هله بیر آچیقلاما وئریلمهدی.
قطر خاریجی ایشلر باخانلیغیندان بیر یئتکیلی، آمریکا و طالبانین باریش دانیشیقلاری اوچون ۲۵ فوریهده یئنیدن بیر آرایا گلمهسی قونوسوندا گئچیجی اولاراق آنلاشدیغینی آچیقلامیشدی.
روسیاداکی افغانیستان دیاسپور مرکزینین تشکیل ائتدیگی، افغانیستانداکی ساواشین سونا چاتدیریلماسی اوچون موسکوادا ائدیلهن توپلانتی دا داوام ائدیر.
بعضی افغانیستانلی سیاستچیلر ایله طالبان نمایندهلرینین ایشتیراک ائتدیگی توپلانتیدا افغانیستان حکومت نمایندهلری یئر آلمیر.