ایران-دا داوالارین 95%-ی اؤلکهده اوره تیلیر
ایران پرزیدنتی حسن روحانی اؤلکهده ایستیفاده ائدیلن داوالارین 95%-نین یئرلی اوره تیم اولدوغونو، داها چوخ ایمکانلا بؤلگهنین داوا صادراتچیسی اولا بیله جگینی بیلدیردی.
ایران پرزیدنتی حسن روحانی اؤلکهده ایستیفاده ائدیلن داوالارین 95%-نین یئرلی اوره تیم اولدوغونو، داها چوخ ایمکانلا بؤلگهنین داوا صادراتچیسی اولا بیله جگینی بیلدیردی.
ایران پرزیدنتی حسن روحانی ایستعفا وئرن ساغلیق ناظیری حسن قاضیزاده هاشمینین یئرینه تعیین ائتدیگی حسن نمکینین پارلامنتده اعتیماد سس وئرمهسی زامانی چیخیش ائتدی.
اینقیلابدان سونراکی 40 ایلده ساغلیق ساحهسینده بؤیوک ایرلیلییشلرین اولدوغونو ایفاده ائدن روحانی 1979-جو ایلدن اول 14 مین اولان حکیم سایینین بو گون 140 مینه، طب فاکولتهلرینده اوخویان طلبهلرین سایینین دا 600-دن 6100-ا چیخدیغینی بیلدیردی.
اؤلکهده ایرلیلییشلرله یاناشی، بیر سیرا نقصانلار و پروبلئملرین ده اولدوغونو قئید ائدن روحانی: "داوا احتیاجلاریمیزین 95%-نی یئرلی ایمکانلارلا اوره تیریک، 5%-نی وارد ائدیریک . بو مسئلهده داها چوخ ایمکان یاراداراق بولگه نین داوا صادراتجیسی اولا بیلریک" دئیه دانیشدی.
روحانی اینقیلابدان اول خستهخانالاردا 55 مین اولان یاتاق سایینین بو گون 129 مین 600-ا، ساغلیق اوجاقلارینین سایینین دا مین 500-دن 18 مینه چیخدیغینی سؤیلهدی.
ایران پرزیدنتینین حسن قاضیزاده هاشمینین یئرینه ساغلیق ناظیری وظیفهسینه تعیین ائتدیگی حسن نمکی 259 لئهینه، 25 علیهینه وئریلمیش سسلرله پارلامئنتده اعتیماد سس وئرمهسیندن کئچدی.
قئید ائتمک لازیمدیر کی، حسن قاضیزاده هاشمی ساغلیق ناظیرلیگینه یئنی ایلده آیریلان بودجهیه رئاکسیا گؤسترهرک دسامبرین 26-دا ایستعفا وئرمیشدی.