ایران جاواب وئردی
"ایران موشکلرینین باشینیزا دوشهجگی گوندن قورخون"
ایران، ایسراییلین سوریهدن تئزلیکله چیخماماسی دوروموندا بو اؤلکهدهکی مؤوضعلرینی ووراجاقلاری یولونداکی آچیقلامالارینا جاواب وئردی.
تسنیم خبر آژانسینا گؤره، ایسراییل باشباخانی بنیامین نتانیاهونون آچیقلامالارینا جاواب ایران اینقیلاب محافظلری باشچیسی محمد علی جعفری، "سیزین گولونج تهدیدلرینیزه هئچ دقت ائتمیریک" دئدی.
ایرانین سوریهدهکی حربی وارلیغینی قورویاجاغینی دیله گتیرهن جعفری، "ایران، حربی مشاورلرینی، تجهیزاتینی و سلاحلارینی چکمهیهجک" ایفادهلرینی ایشلتدی.
ایران اینقیلاب محافظلری باشچیسی، ایسراییل رهبرلیگینین، موشکلریندن قورخماسی لازیم اولدوغونو ایفاده ائدرک، "ایران موشکلرینین باشینیزا دوشهجگی گوندن قورخون" شکلینده دانیشدی.
نتانیاهو دوننکی آچیقلاماسیندا، "سیزه (ایران) اورادان (سوریهدن) سرعتلیجه آیریلماغینیزی توصیه ائدیرهم، چونکو سالدیریلاریمیزا سؤز وئردیگیمیز کیمی دورمادان و قورخوسوزجا داوام ائدجییک" ایفادهلرینی ایشلتمیشدی.