"ایران، طالبانین رولونو اویناییر"
مرتضوی، ایرانین افغانیستاندا دموکراسینین حاکم اولماسیندان و شخصی اؤزگورلوکلرین ضمانت آلتینا آلینماسیندان راحاتسیز اولدوغونو یازدی
افغانیستان جمهورباشقانلیغی سؤزچو یاردیمچیسی شاه حسین مرتضوی، سوسیال مئدیا حسابیندان وئردیگی آچیقلامادا، ایرانین طالبانلا رسمی گؤروشمهلری ایله باغلی،
"ایران خاریجی ایشلر باخانلیغی مقاملاری، بو گونلرده طالبان نمایندهلرینین رولونو اویناییر" ایفادهسینی ایشلتدی.
مرتضوی، ایرانین افغانیستاندا دموکراسینین حاکم اولماسیندان و شخصی اؤزگورلوکلرین ضمانت آلتینا آلینماسیندان راحاتسیز اولدوغونو و بو سببدن طالبان فیکرینی ساووندوغونو یازدی.
ایرانین اؤز اؤلکهسیندهکی پروبلئملری ایله ماراقلانماسی لازیم اولدوغونو ایفاده ائدن مرتضوی، ایراندا ائو حبسینده ساخلانیلان مخالف لیدئرلره ایشاره ائدرک،
"طالبان یئرینه میر حسین موسوی و (مهدی) کروبی کیمی سیاسی مخالفلرین سسلرینه قولاق وئرمک داها یاخشی اولماز می؟" دئدی.
طالبان هیاتی، دسامبر آیی سونوندا تهرانا سفر ائدرک، ایران خاریجی ایشلر باخانی میاردیمچیسی عباس عراقچی ایله بیر آرایا گلمیشدی. ایران خاریجی ایشلر باخانلیغی سؤزچوسو بهرام قاسمی، دانیشیقلارین افقانیستان حکومتینین بیلگیسی داخیلینده باش وئردیگینی آچیقلامیشدی.
ایران خاریجی ایشلر باخانی محمد جواد ظریف ده دونن هیندیستانین اندیتیوی کانالینا وئردیگی آچیقلامادا، طالبانین افقانیستانین گلهجگینده رول اویناماسینین قاچینیلماز اولدوغونو، آنجاق بونون باسقین بیر رول اولماماسی لازیم اولدوغونو سؤیلمیشدی.