بیر توپلو مزار داها تاپیلدی
قوربانلار آراسین‌دا پلیسلرین ده اولدوغو بیلگیسی وئریلدی
عراقین موصول ویلایتین‌ده بیر توپلو مزار داها تاپیلدی.
عراق اوردوسون‌دا وظیفه‌لی یوزباشی احمد العبیدی، یئرلی مطبوعاتا وئردیگی آچیقلامادا، موصولون گونئین‌ده‌کی الشورا قصبه‌سین‌ده ۴۸ جسدین یئر آلدیغی یئنی بیرتوپ‌لو مزار اورتایا چیخاریلدیغینی سؤیله‌دی.
عبیدی، کیم‌لیک تثبیتی اوچون جسدلرین موصول‌داکی عدلی طب قورومونا گؤندریلدیگینی و اؤز اؤن فکیرلرینه گؤره قوربانلار آراسین‌دا پلیسلرین ده اولدوغو معلوماتینی وئردی.
عراقین باتیسین‌دا ایلک دفعه ژانویه ۲۰۱۴ده اورتایا چیخان ترور هؤرگوتو داعش، ۱۰ ژوئن ۲۰۱۴ده اؤلکه‌نین ایکینجی بؤیوک شهری موصولو اله گئچیردی.
هؤرگوت، موصولدان سونرا صلاح‌الدین و انبار ویلایتلرینین تامامی، کرکوک و دیاله‌نین بیر بؤلومونو ده کنترلو آلتینا آلدی.
بیرلشمیش میللتلر، عراق‌دا داها اؤنجه ترور هؤرگوتو داعشین کنترل ائتدیگی بؤلگه‌لرده مینلرجه قوربانین قالیقلارینی ایچرن ۲۰۰دن چوخ توپلو مزار اولدوغونو بیلدیرمیشدی.
