"یمنده آمریکا یاپیمی بیر فاجعه"
خبرده، هاوا سالدیریلاریندا بدن عضولرینی ایتیرهن یاشلیلار، گنجلر و اوشاقلارین گؤرونتولرینه یئر وئریلدی
آمریکا بیرلشیک دؤولتلرینده ده یاییملانان نیویورک تایمز قزئتی، یؤنتیمین، یمنده سعودی عربیستان رهبرلیگیندهکی کوالیسیونا ساتدیغی بومبالارین یول آچدیغی تخریباتی، اینسانلیق درامینی و سعودی عربیستانا سلاح ساتیشی رقملرینی گؤزلر اؤنونه سردی.
قزئتین "یمنده آمریکا یاپیمی بیر فاجعه" باشلیقلی، سپتامبر ۲۰۱۶دا یمنین باشکندی صنعا یاخینلیغیندا ارهاب بؤلگهسینده تشکیل اولونان هاوا سالدیریسیندا حیاتینی ایتیرهنلرین حکایهلری اوزرینده قورولان خبرده، خالقین ساواش ایله بیر آندا کابوسا دونن حیاتلاری آنلادیلدی.
ارهابدا بیر قروپ کندلینین سو قویوسو آچماق اوچون توپلاشدیغی زامان تشکیل اولونان هاوا سالدیریسیندا بعضیلرینین حیاتینی ایتیردیگی، بعضیلرینین بدن عضولرینی ایتیردیگی، آرادان ۲ ایلدهن چوخ مدت گئچمهسینه باخمایاراق بؤلگهده بومبا ایزلرینین و قالیقلارینین هله ده مؤوجود اولدوغو بیلدیریلدی.
خبرده، هاوا سالدیریلاریندا بدن عضولرینی ایتیرهن یاشلیلار، گنجلر و اوشاقلارین گؤرونتولرینه یئر وئریلدی. سؤزوگئدن هاوا سالدیریسیندا ۳و اوشاق ۳۱ وطنداش حیاتینی ایتیرمیش، ۴۲سی ده یارالانمیشدی.
قزئت، سالدیریدا ایستیفاده ائدیلهن بومبالاردا، آمریکا ساوونما باخانلیغینین وئردیگی کیملیک نؤمرهلرینین اولدوغونو و تگزاسدا ژنرال دینامیکس شیرکتی طرفیندن اورتیلدیگینین معین ائدیلدیگینی وورغولادی.
یمنده ایچ ساواشین باشلادیغی ۲۰۱۵دن بو یانا بیرلشمیش میلتلر و اینسان حاقلاری تشکیلاتلارینین، هاوا سالدیریلاریندا مولکی وطنداشلارا و مولکی تیکیلیلره وئریلهن ضررلر حاقیندا اویاری ائتدیگینه ایشاره ائدیلهن خبرده،
"سعودیلرین بومبالاری، قابریکالاری، کؤرپولری، یوللاری، خسته خانالاری، سو قویولارینی، دفن مراسیملرینی، تویلاری، تدبیرلری و اوشاقلارلا دولو بیر اوخول اوتوبوسونو هدف آلدی" ایفادهلرینه یئر وئریلدی.
سعودی عربیستانین، حوثیلرین الیندهکی بؤلگهلره سلاح گیریشینی انگللهمک و بو سببله ده یمنده تطبیق ائتدیگی محاصرهنین، اونسوز دا یوخسول اولان اؤلکهده ارزاق و انسانی یاردیما اولاشیمی اولدوقجا چتینلشدیردیگی قید ائدیلدی.
یمنده چوخ بؤیوک بیر اینسانی بحرانی قیزیشدیران هاوا سالدیریلاری و محاصره سببی ایله ۵ یاشین آلتینداکی ۸۵ مین اوشاغین حیاتینی ایتیردیگی، ۲۱ ویلایتده وبانین اولدوغو وورغولاندی.
خبرده آمریکانین ۲۰۱۰-۲۰۱۷ دؤورونده سعودی عربیستانا ۳۰ عدد ایرلی تکنولوژی اف-۱۵ اوچاق، ۸۴ ساواش هلیکوپتری، ۱۱۰ هاوادان یئره گودوملو موشک و تخمیناً ۲۰ مین گودوملو بومبا ساتدیغی ووردغولاندی.