"ایرانین بئله بیر پروگرامی یوخ"
قاسمی: بو قایغیلار دونیاداکی ایران قارشیدی رژیملرین سیاستینین بیر محصولودور
ایران، ساوونما موشکلرینده نوکلئر ساواش باشلیغی قوللانیمی ایله باغلی هئچ بیر پلان و پروگرامی اولمادیغینی بیلدیردی.
خاریجی ایشلر باخانلیغی سؤزچوسو بهرام قاسمی، خاریجی ایشلر باخانلیغینین اینترنت سایتیندا یاییملانان یازیلی آچیقلاماسیندا، باتیلی بعضی اؤلکهلرین ایرانا قارشی آچیقلامالاری و فرانسا ایله اینگیلترهنین، موشک پروگرامینی بیرلشمیش میلتلر تهلوکهسیزلیک شوراسینین گوندمینه داشیما یولوندا آتدیغی آددیملاری تنقید ائتدی.
ایرانین موشک پروگرامینین تامامیله چکیندیرمه مقصدلی و اؤلکهنین ساوونماسینین بیر پارچاسی اولدوغونو بیلدیرن قاسمی، ساوونما موشکلرینده نوکلئر ساواش باشلیغی ایستیفادهسیله باغلی هئچ بیر پلان و پروگراملاری اولمادیغینی ایفاده ائتدی.
موشک پروگرامی ایله باغلی راحاتسیزلیقلارین اساسسیز و بعضی اؤلکهلرین هدفلری ایستیقامتینده اورتایا قویولدوغونو ادعا ائدن قاسمی،
"ساوونما پروگراملاریمیزی قایغیلارا گؤره دوزنلهمیریک. قایغیلارین دوغرو، منطقلی و اساسلی بیر سببی یوخدور. بو قایغیلار دونیاداکی ایران قارشیدی رژیملرین سیاستینین بیر محصولودور" دگرلندیرمهسینی ائتدی.
قاسمی، ایکیلی ایستاندارد تطبیق ائتمکله سوچلادیغی باتیلی اؤلکهلرین سعودی عربیستانین یمندهکی اویقولامالارینا سس چیخارمادیغینی آنجاق ایرانین "باریشجیل ساوونما پروگرامینا" قارشی حرکته گئچدیگینی سؤیلهدی.