روسیادا ترور سالدیریسی
"بیر نفر چانتاسیندان چیخاردیغی معلوم اولمایان بیر جیسمین بیر مدت سونرا الینده پاتلاماسی نتیجهسینده اؤلدو"
1078951
![روسیادا ترور سالدیریسی](http://cdn.trt.net.tr/images/xlarge/rectangle/3728/9123/ab43/5bd98980bde7d.jpg?time=1719101237)
روسیانین آرخانگلسک شهرینده ۱۷ یاشیندا بیر شخص روس استخباراتی فدرال گوونلیک سرویسی بیناسی گیریشینده بومبالی ترور سالدیریسی حیاتا گئچیردی.
روسیا میلی ترورلا مباریزه کمیتهسیندن وئریلن معلوماتا گؤره، آرخانگلسک شهرینده اولان استخبارات فدرال گوونلیک سرویسی ایداره بیناسینین گیریشینده یئرلی ساعات ایله ۰۸.۵۲ده پاتلاما باش وئردی.
آچیقلامادا، "ایلک معلوماتلارا گؤره، بینایا گیرن بیر شخص چانتاسیندان چیخاردیغی معلوم اولمایان بیر جیسمین بیر مدت سونرا الینده پاتلاماسی نتیجهسینده اؤلدو" بیلگیسی وئریلدی.
کمیته، پاتلاما زامانی ۳ استخبارات فدرال گوونلیک سرویسی چالیشانینین یارالاندیغی معلوماتینی دا پایلاشدی.
روسیا سوروشدورما کمیتهسینین وئردیگی آچیقلامادا، حادثهنی "ترور ائیلمی" اولاراق دیرلندیردی.