حربی هلیکوپتر دوشدو
هلیکوپترده‌کی یوکسک رتبه‌لی ۲۵ نفر حیاتینی ایتیردی
1078966
افغانیستانین فراه ایالتین‌ده یوکسک وظیفه‌لی شخصلری داشییان حربی هلیکوپترین دوشمه‌سی نتیجه‌سین‌ده ۲۵ نفر حیاتینی ایتیردی.
فراه والیلیک سؤزچوسو ناصر مهری، فراه‌دان هراتا گئدن حربی هلیکوپترین قالخدیق‌دان قیسا مدت سونرا اناردره بؤلگه‌سین‌ده دوشدویونو دئدی.
هلیکوپترده‌کی یوکسک رتبه‌لی ۲۵ نفرین حیاتینی ایتیردیگینی ایفاده ائد‌ن مهری، اؤلنلرین آراسین‌دا فراه ولایت شورا باشفانی فرید بختور، ۲۰۷.جی ظفر قول اوردو باشچی یاردیمچیسی نعمت الله خلیل و ولایت شورا وکیللرین‌دن بیرینین اولدوغونو بیلدیردی.
مهری، هلیکوپترین پیس هاوا شرطلری سببیله بؤلگه‌ده‌کی یوکسک بیر داغا چارپدیغینی بیلدیردی.
طالبان‌دان وئریلن آچیقلامادا ایسه هلیکوپترین اؤزلری طرفیندن دوشورولدوگو و ایچین‌ده ۲۵ نفرین اؤلدویو ادعا ائدیلدی.
